ஆசிய கோப்பை 2023 கிரிக்கெட் தொடர் வரும் ஆகஸ்ட் 30ஆம் தேதி துவங்கி பாகிஸ்தான் மற்றும் இலங்கையில் நடைபெற உள்ளது. வரும் அக்டோபர் மாதம் இந்தியாவில் நடைபெறும் உலகக் கோப்பைக்கு தயாராகும் வகையில் ஒருநாள் போட்டிகளாக நடைபெறும் இத்தொடரை பயன்படுத்தி அனைத்து நாடுகளும் தங்களுடைய உலகக் கோப்பை அணியில் விளையாடப் போகும் இறுதிக்கட்ட வீரர்களை தேர்வு செய்ய தயாராகியுள்ளன. அந்த வகையில் 7 கோப்பைகளை வென்று ஆசிய கோப்பை வரலாற்றில் வெற்றிகரமான அணியாக ஜொலிக்கும் இந்தியா ரோகித் சர்மா தலைமையில் களமிறங்கும் தங்களுடைய 11 பேர் கொண்ட அணியை அறிவித்துள்ளது.
அதில் காயத்திலிருந்து குணமடைந்துள்ள ஸ்ரேயாஸ் ஐயர் மற்றும் கேஎல் ராகுல் ஆகியோர் தேர்வு செய்யப்பட்டுள்ளது 4வது இடத்தில் விளையாடும் பேட்ஸ்மேன் மற்றும் விக்கெட் கீப்பர் பிரச்சனையை தீர்க்கும் வகையில் அமைந்துள்ளது. அதே போல இந்த அணியில் இடது கை பேட்ஸ்மேன் இல்லை என்ற ஒரே காரணத்திற்காக ஒருநாள் கிரிக்கெட்டில் அறிமுகமாகாத திலக் வர்மா தேர்வு செய்யப்பட்டுள்ளார். ஆனால் ஒருநாள் கிரிக்கெட்டில் சுமாராக செயல்பட்டு வரும் சூரியகுமார் தேர்வு செய்யப்பட்டுள்ளதும் சஞ்சு சாம்சன் பேக்-அப் வீரராக மட்டும் தேர்ந்தெடுக்கப்பட்டுள்ளதும் ரசிகர்களை அதிருப்தியடைய வைத்துள்ளது.
கம்பீர் கருத்து:
அது போக முதன்மை மணிக்கட்டு ஸ்பின்னரான கருதப்படும் யுஸ்வேந்திர சஹால் கழற்றி விடப்பட்டுள்ளதும் சில ரசிகர்களிடம் ஏமாற்றத்தை ஏற்படுத்தியுள்ளது. இந்ந