நியுஸிலாந்து அணிக்கு எதிரான மூன்றாவது ஒருநாள் போட்டி நேற்று நடைபெற்றது. இந்த போட்டியில் நியூசிலாந்து அணி வெற்றிபெற்று இந்திய அணியை துடைத்து அனுப்பியது. இந்நிலையில் இந்திய அணிக்கு தோல்வி இருந்தாலும் அதில் ஒரு சில வெற்றி கிடைத்துள்ளது.
நேற்றைய போட்டியில் முதலில் பேட் செய்த இந்திய அணி 50 ரன்களுக்கு 3 விக்கெட்டுகளை இழந்து தடுமாறியது. அதன் பின்னர் ஆடிய ஸ்ரேயாஸ் அய்யர் மற்றும் கே எல் ராகுல் ஆகியோர் அபாரமான ஆட்டத்தை வெளிப்படுத்தினார். 4-ஆவது விக்கெட்டுக்கு இந்த ஜோடி 100 ரன்களுக்கு மேல் சேர்த்தது.
பின்னர் ஐயர் ஆட்டமிழந்து வெளியேறிய போது வந்த மனிஷ் பாண்டே தன் பங்கிற்கு ரன்களை விளாசினார். கேஎல் ராகுல் உடன் சேர்ந்த இவர் 5-வது விக்கெட்டுக்கு 100 ரன்களை சேர்த்தார். இதன் மூலம் கிட்டத்தட்ட 11 ஆண்டுகள் கழித்து 4 மற்றும் 5வது விக்கெட்டுக்கு 100 ரன்களுக்கு மேல் சேர்த்துள்ளது.
இந்திய அணி இதன் மூலம் கடந்த பல ஆண்டுகளாக இருந்துவந்த மிடில் ஆடர் தொல்லை ஓய்ந்துள்ளது. டாப் ஆர்டர் பேட்ஸ்மேன்கள் சரியாக பங்களிப்பை அளிக்கவில்லை என்றாலும் மிடில் ஆர்டரில் இளம் வீரர்கள் தங்களது சிறப்பான ஆட்டத்தை வெளிப்படுத்தி வருகின்றனர். ஷ்ரேயஸ் ஐயர் 4 ஆவது இடத்திலும், ராகுல் எந்த இடத்தில் இறங்கினாலும் அதற்கேற்றாற்போல் சிறப்பாக விளையாடுவது இந்திய அணிக்கு பலம் தான்.
