ரசிகர்களை மகிழ்வித்து வரும் ஐசிசி உலகக் கோப்பை 2023 தொடர் உச்சகட்டத்தை எட்டியுள்ள நிலையில் நவம்பர் 2ஆம் தேதி மும்பை வான்கடே கிரிக்கெட் மைதானத்தில் மதியம் 2 மணிக்கு நடைபெற்ற 33வது லீக் போட்டியில் இந்தியா மற்றும் இலங்கை அணிகள் மோதின. அதில் ஏற்கனவே 6 போட்டியில் 6 வெற்றிகளை பெற்றுள்ள இந்தியா இப்போட்டியிலும் வென்று அதிகாரப்பூர்வமாக செமி ஃபைனலுக்கு தகுதி பெரும் முனைப்புடன் களமிறங்கியது.
மறுபுறம் இப்போட்டியில் தோற்று லீக் சுற்றுடன் வெளியேறுவதை தடுக்கும் முனைப்புடன் டாஸ் வென்ற இலங்கை முதலில் பந்து வீசுவதாக அறிவித்தது. அதை தொடர்ந்து களமிறங்கிய இந்தியாவுக்கு கேப்டன் ரோஹித் சர்மா பவுண்டரியை அடித்து அதிரடியான துவக்கத்தை கொடுக்க முயற்சித்த போது மதுசங்கா வேகத்தில் 4 (2) ரன்களில் கிளீன் போல்டானார்.
இரட்டை சாதனை:
அந்த நிலையில் வந்த நம்பிக்கை நட்சத்திரம் விராட் கோலி தமக்கு மிகவும் பிடித்த இலங்கையை மிகச் சிறப்பாக எதிர்கொண்டு ரன் குவிப்பில் ஈடுபட்டார். அவருடன் மற்றொரு துவக்க வீரர் சுப்மன் கில் தன்னுடைய பங்கிற்கு நிதானமான ஆட்டத்தை வெளிப்படுத்தி ரன்களை குவித்தார். ஆனால் 2வதாக வந்து அவரை விட அதிரடியாக விளையாடிய விராட் கோலி 8 பவுண்டரியுடன் முதல் ஆளாக அரை சதமடித்தார்.
மேலும் இந்த 50 ரன்களையும் சேர்த்து ஒருநாள் கிரிக்கெட்டில் ஆசிய கண்டத்தில் அதிவேகமாக 8000 ரன்கள் அடித்த வீரர் என்ற சச்சின் டெண்டுல்கரின் சாதனையை உடைத்த விராட் கோலி ஆசியாவின் புதிய கிங்காக சாதனை படைத்தார். அந்த பட்டியல் (இன்னிங்ஸ்):
1. விராட் கோலி : 159*
2. சச்சின் டெண்டுல்கர் : 188
3. குமார் சங்ககாரா : 213
4. சனாத் ஜெயசூர்யா : 254
இது போக இந்த 50 ரன்களையும் சேர்த்து இந்த வருடம் நடைபெற்ற ஒருநாள் கிரிக்கெட்டில் விராட் கோலி 1000 ரன்களையும் கடந்துள்ளார். இதற்கு முன் ஏற்கனவே 7 காலண்டர் வருடங்களில் 1000 ரன்கள் அடித்துள்ள அவர் இதையும் சேர்த்து மொத்தம் 8 வருடங்களில் தலா 1000க்கும் மேற்பட்ட ரன்களை அடித்துள்ளார். இதன் வாயிலாக ஒருநாள் கிரிக்கெட்டில் அதிக முறை ஒரு காலண்டர் வருடத்தில் 1000 ரன்கள் அடித்த வீரர் என்ற சச்சின் டெண்டுல்கரின் வாழ்நாள் சாதனையை உடைத்த விராட் கோலி புதிய உலக சாதனை படைத்துள்ளார். அந்த பட்டியல்:
1. விராட் கோலி : 8*
2. சச்சின் டெண்டுல்கர் : 7
3. சௌரவ் கங்குலி/ரிக்கி பாண்டிங்/குமார் சங்ககாரா : தலா 6
இதையும் படிங்க: நாக் அவுட்டில் 53/3 என சரிந்த மாநில அணி.. 4 ஃபோர்ஸ் 6 சிக்ஸை 233.33 ஸ்ட்ரைக் ரேட்டில் விளாசி காப்பாற்றிய ரிங்கு
இது மட்டுமல்லாமல் உலகக் கோப்பையில் அதிக முறை 50க்கும் மேற்பட்ட ரன்கள் அடித்த துவக்க வீரர் அல்லாத வீரர் என்ற சாதனையையும் விராட் கோலி படைத்துள்ளார். இதுவரை துவக்க வீரராக களமிறங்காமல் அவர் 13 முறை 50+ ரன்கள் அடித்துள்ள நிலையில் இதற்கு முன் குமார் சங்ககாரா 12 முறை அடித்திருந்ததே முந்தைய சாதனையாகும். அந்த வகையில் சிறப்பாக செயல்படும் விராட் கோலி சற்று முன் வரை 54 ரன்கள் 53 ரன்களும் எடுத்துள்ளதால் 20 ஓவர்களில் இந்தியா 120/1 ரன்கள் எடுத்து விளையாடி வருகிறது.
