ஐபிஎல் 2025 டி20 கிரிக்கெட் தொடருக்கான வீரர்கள் ஏலம் நடைபெற்று முடிந்தது. அதில் ராயல் சேலஞ்சர்ஸ் பெங்களூரு அணி தங்களுக்கு தேவையான வீரர்களை வாங்கி முடித்தது. இருப்பினும் கடந்த வருடங்களில் கேப்டனாக செயல்பட்ட டு பிளேஸிஸை பெங்களூரு நிர்வாகம் விடுவித்துள்ளது. அவர்களுக்கு பதிலாக கேப்டன்ஷிப் செய்யக்கூடிய புதிய வீரர்களை யாரும் பெங்களூரு அணி வாங்கவில்லை.
புதிதாக வாங்கப்பட்ட வீரர்களில் புவனேஸ்வர் குமார் மற்றும் க்ருனால் பாண்டியா ஆகியோர் கடந்த காலங்களில் கணிசமான போட்டிகளில் கேப்டன்ஷிப் செய்துள்ளார்கள். ஆனால் முழுமையாக ஒரு சீசன் முழுவதும் அவர்கள் கேப்டன்ஷிப் செய்ததில்லை. அதன் காரணமாக 2025 ஐபிஎல் தொடரில் பெங்களூரு அணியின் கேப்டனாக செயல்படப்போவது யார் என்ற எதிர்பார்ப்பு காணப்படுகிறது.
பெங்களூரு கேப்டன்:
இந்நிலையில் 2025இல் விராட் கோலி ஆர்சிபி அணியின் கேப்டனாக அறிவிக்கப்பட வாய்ப்புகள் இருப்பதாக முன்னாள் வீரர் ஏபி டீ வில்லியர்ஸ் தெரிவித்துள்ளார். மேலும் ஆர்சிபி அணியில் நல்ல ஸ்பின்னர் இல்லாதது பின்னடைவு என்று அவர் கூறியுள்ளார். இது பற்றி அவர் பேசியது பின்வருமாறு. “அது உறுதி செய்யப்பட்டது என்று நான் நினைக்கவில்லை”
“ஆனால் தற்போதைய அணியை பார்க்கும் போது விராட் கோலி கேப்டனாக இருப்பார் என்று நான் நினைக்கிறேன். நமது அணியில் புவனேஸ்வர் குமார், ஜோஸ் ஹேசல்வுட் ஆகியோர் தேர்ந்தெடுக்கப்பட்டதில் மகிழ்ச்சி. அதே சமயம் ரபாடா, லுங்கி நிகிடி ஆகியோரை நாம் தவற விட்டு விட்டோம். நல்ல ஃபார்மில் பிட்டாக இருக்கும் நிகிடி ஸ்லோயர் பந்துகளை சிறப்பாக வீசக்கூடியவர்”
ஏபிடி கருத்து:
“அதே போல நாம் ரவிச்சந்திரன் அஸ்வினை தவற விட்டோம். இருப்பினும் சிஎஸ்கே அணிக்காக அவர் மீண்டும் விளையாடுவதை பார்ப்பது மகிழ்ச்சி. நியாயமாக சொல்ல வேண்டுமெனில் ஆர்சிபி அணி இம்முறை ஓரளவு நல்ல சமநிலையை கொண்டுள்ளது. இருப்பினும் நமது அணியில் மேட்ச் வின்னிங் ஸ்பின்னர் இல்லை. அதையும் தாண்டி சின்னசாமி மைதானத்தை கோட்டையாக்கும் அளவுக்கு நம்மிடம் சமநிலையுடன் கூடிய அணி இருக்கிறது”
இதையும் படிங்க: 150இல் டக்.. ஜோ ரூட் அரிதான மோசமான சாதனை.. ஹரி ப்ரூக் சதத்தால் நியூஸிலாந்தை அடிக்கும் இங்கிலாந்து
“இந்த அணி சின்னசாமி மைதானத்தில் வேலை செய்ய வேண்டும். தற்போதைய நிலையில் நம்முடைய அணியில் ஒரு எக்ஸ்ட்ரா ஸ்பின்னர் ஸ்பின்னர், மணிகட்டு ஸ்பின்னர் கொண்டு வந்தால் நன்றாக இருக்கும. அதற்கு தொடர் நடைபெற்றுக் கொண்டிருக்கும் போது வீரர்களை மாற்றி வாங்கிக் கொள்ளும் நடைமுறையை பிசிசிஐ கொண்டு வர விரும்புகிறேன். அதில் விலை போகாத வீரர்களில் ஒரு நல்ல வீரரை கூட நாம் வாங்கலாம்” என்று கூறினார்.
