இந்தியன் பிரீமியர் லீக் உள்நாட்டு லீக்குகளில் மிக முக்கியமான டி20 போட்டியாகும். உலகம் முழுவதிலுமிருந்து வரும் வீரர்கள் இங்கு விளையாடி ரசிகர்களின் கண்களுக்கு விருந்து படைத்து அசத்துவது மட்டுமின்றி தேசிய அணியிலும் நிரந்தர இடம் பிடிக்க இந்த ஐ.பி.எல் தொடரை நல்ல தளமாக பயன்படுத்தி வருகின்றனர். இந்திய அணிக்கும் ஐ.பி.எல் தொடர் மூலம் பல வீரர்கள் கிடைத்துள்ளனர். அப்படி இருக்கையில் ஐபிஎல் தொடரில் ஒரு போட்டியில் கூட விளையாடாமல் சிஎஸ்கேவுடன் ஐபிஎல் கோப்பையை வென்றுள்ள வீரர்கள் பற்றி இந்த பதிவில் காணலாம்.
1. ஹேமங் பதானி :
இந்த பட்டியலில் இடம்பெற்றுள்ள மிகப்பெரிய பெயர் முன்னாள் இந்திய பேட்ஸ்மேன் ஹேமாங் பதானி. சென்னையைச் சேர்ந்த 44 வயதான இவர் இந்திய கிரிக்கெட் அணிக்காக நான்கு டெஸ்ட் மற்றும் 40 ஒருநாள் போட்டிகளில் விளையாடினார். டீம் இந்தியாவுக்காக பதானி ஒருநாள் சதம் கூட அடித்தார். 2010 இல், சூப்பர் கிங்ஸ் அவரை வீரர் ஏலத்தில் எடுத்தது. அந்த ஆண்டு சி.எஸ்.கே கோப்பையை வென்றாலும், பதானி ஒருபோதும் சென்னை அணிக்காக விளையாடிது இல்லை.
2. கே வாசுதேவதாஸ் :
வாசுதேவதாஸ் ஒரு தமிழகத்தைச் சேர்ந்த கிரிக்கெட் வீரர் ஆவார், இவர் 2011 ல் சென்னை சூப்பர் கிங்ஸுடன் ஐபிஎல் வென்றார். மஞ்சள் ஜெர்சியில் தனது திறமையை வெளிப்படுத்த வாசுதேவதாஸுக்கு ஒருபோதும் வாய்ப்பு கிடைக்கவில்லை. 2007 ஆம் ஆண்டில் வாசுதேவதாஸ் தனது டி 20 அறிமுகத்தைத் தொடங்கினார். 2011 சீசனுக்குப் பிறகு, அவர் ஒரு சில உள்நாட்டு ஆட்டங்களில் விளையாடினார். இருப்பினும், அவரது செயல்திறன் குறிப்பட்டு சொல்லும் அளவில் இல்லை என்பதால், இடது கை பேட்ஸ்மேன் தமிழக அணியிலும் தனது இடத்தை இழந்தார்.
3. சைதன்யா பிஷ்னோய் :
சைதன்யா பிஷ்னோய் டெல்லியைச் சேர்ந்த கிரிக்கெட் வீரர், இவர் ஹரியானா கிரிக்கெட் அணியின் ஒரு அங்கம். பிஷ்னோய் ஒரு இடது கை பேட்ஸ்மேன், அவர் இடது கை சுழற்பந்து வீச்சாளர் ஆவார். பிஷ்னோய் 2016 முதல் டி 20 கிரிக்கெட்டில் விளையாடி வருகிறார். அவர் 2018 இல் சென்னை சூப்பர் கிங்ஸிடமிருந்து ஒரு ஒப்பந்தத்தை பெற்றார். இருப்பினும், பிஷ்னோய் முழு சீசனுக்கும் பெஞ்சுகளில் மட்டுமே இடம்பெற முடிந்தது.
4. கனிஷ்க் சேத்
ஐ.பி.எல் 2018 ஏலத்தில் சென்னை சூப்பர் கிங்ஸ் கையெழுத்திட்ட மற்றொரு திறமையான வீரர் கனிஷ்க் சேத். சேத் ரயில்வே மற்றும் வங்காளத்துக்காக விளையாடியுள்ளார். அவர் ஒரு ஆல்ரவுண்டர், இடது கை வேகப் பந்து வீச்சாளர் ஆவார். கனிஷ்க் 20 டி 20 போட்டிகளில் விளையாடியுள்ளார். சிஎஸ்கே விளையாடும் லெவன் அணியில் ஒரு முறை கூட சேத் இடம்பிடிக்கவில்லை.
5. ஷிதீஷ் சர்மா
ஐபிஎல் 2018 இல் சென்னை சூப்பர் கிங்ஸ் அணியில் அன்கேப்டு டாப்-ஆர்டர் பேட்ஸ்மேனாக ஷிதீஷ் சர்மா சேர்ந்தார். டெல்லியில் பிறந்து உள்நாட்டு சுற்றில் அருணாச்சல பிரதேசம் மற்றும் டெல்லி அணிக்காக விளையாடியுள்ளார். ஷர்மாவால் வலது கை ஆஃப் பிரேக்குகளையும் வீச முடியும். அவர் 2013 ஆம் ஆண்டில் தனது முதல் டி20இல் அறிமுகமானார், ஆனால் அவர் இதுவரை 19 டி 20 போட்டிகளில் மட்டுமே விளையாடியுள்ளார். ஏலத்தில் சி.எஸ்.கே ஏலம் எடுத்ததைக் கண்டு சில ரசிகர்கள் ஆச்சரியப்பட்டார்கள். ஆனால் சிஎஸ்கே தனது பிளேயிங் லெவனில் ஒருமுறை கூட அவரை சேர்க்கவில்லை.
6. கணபதி விக்னேஷ் :
பேட்டிங் ஆல்ரவுண்டரான கணபதி விக்னேஷ் 2011 இல் சென்னை சூப்பர் கிங்ஸுடன் ஐபிஎல் சாம்பியன்ஷிப்பை வென்றார். இப்போது 39 வயதான வீரர் வலது கை பேட்ஸ்மேனும் மற்றும் மிதவேக பந்துவீச்சாளராகவும் இருக்கிறார். விக்னேஷ் தனது வாழ்க்கையில் ஐந்து டி 20 போட்டிகளில் விளையாடினார். தொழில்முறை கிரிக்கெட்டில் அவர் கடைசியாக தோன்றியது 2016 தமிழ்நாடு பிரீமியர் லீக்கில் மதுரை சூப்பர் ஜெயண்ட் அணிக்காக விளையாடியது தான்.
