சென்னை சேப்பாக்கம் மைதானத்தில் மே 2-ஆம் தேதியான இன்று மும்பை இந்தியன்ஸ் மற்றும் சென்னை சூப்பர் கிங்ஸ் அணிகளுக்கு இடையேயான நடப்பு 2026 ஐ.பி.எல் கிரிக்கெட் தொடரின் 44-வது லீக் போட்டியானது நடைபெற்று வருகிறது. இந்த போட்டியில் டாசில் வெற்றி பெற்ற மும்பை இந்தியன்ஸ் அணியானது முதலில் பேட்டிங் செய்வதாக அறிவித்தது.
ரோஹித் சர்மாவின் சாதனையை சமன் செய்த ரயான் ரிக்கல்டன் :
அதனை தொடர்ந்து முதலில் விளையாடிய மும்பை இந்தியன்ஸ் அணி சி.எஸ்.கே அணியின் சிறப்பான பந்துவீச்சுக்கு எதிராக 20 ஓவர்களின் முடிவில் 7 விக்கெட்டுகளை இழந்து 159 ரன்களை மட்டுமே குவித்தது. இதன் காரணமாக 160 ரன்கள் அடித்தால் வெற்றி என்ற இலக்குடன் தற்போது சென்னை அணி விளையாடி வருகிறது.
இந்நிலையில் இந்த போட்டியின் போது மும்பை இந்தியன்ஸ் அணி சார்பாக அதிகபட்சமாக நமன் தீர் 57 ரன்களையும், ரயான் ரிக்கல்டன் 37 ரன்களையும் குவித்தனர். அதிலும் குறிப்பாக ரயான் ரிக்கல்டன் 24 பந்துகளை சந்தித்து 5 சிக்ஸர்களுடன் 37 ரன்களை குவித்து அசத்தினார்.
இதன்மூலம் ரோகித் சர்மாவின் மாபெரும் சாதனை ஒன்றினை ஐபிஎல் போட்டிகளில் சமன் செய்துள்ளார். அதாவது ரோகித் சர்மா மும்பை இந்தியன்ஸ் அணிக்காக பவர்பிளே ஓவர்களுக்குள்ளாக 5 சிக்ஸர்களை அடித்து சாதனையை நிகழ்த்தியிருந்த வேளையில் இன்றைய போட்டியில் ரிக்கல்டனும் பவர்பிளே ஓவர்களுக்குள் ஐந்து சிக்ஸர்களை அடித்து அவரது இந்த சாதனையை சமன் செய்துள்ளார்.
இதையும் படிங்க : என்னைக்கு தான் வருவார் தோனி? இன்றைய போட்டியிலும் ரசிகர்களுக்கு கிடைத்த ஏமாற்றம் – விவரம் இதோ
இந்த பட்டியலில் மும்பை இந்தியன்ஸ் அணி சார்பாக அதிகபட்சமாக பவர்பிளே ஓவர்களில் சனத் ஜெயசூரியா 7 சிக்ஸர்களை அடித்து முதலிடத்தில் உள்ளது குறிப்பிடத்தக்கது.
