ராஜஸ்தான் ராயல்ஸ் அணிக்கு எதிராக நேற்று டெல்லி அருண் ஜேட்லி மைதானத்தில் நடைபெற்ற நடப்பு 2026 ஐ.பி.எல் கிரிக்கெட் தொடரின் 62-வது லீக் போட்டியில் விளையாடிய அக்சர் பட்டேல் தலைமையிலான டெல்லி கேபிட்டல்ஸ் அணியானது 5 விக்கெட் வித்தியாசத்தில் அசத்தலான வெற்றியை பதிவு செய்தது. இந்த போட்டியின் போது டெல்லி அணி இரண்டாவதாக பேட்டிங் செய்கையில் 194 ரன்கள் அடித்தால் வெற்றி என்ற இலக்கினை துரத்துகையில் :
5 ஆவது வீரராக கே.எல் ராகுல் நிகழ்த்திய சாதனை :
துவக்க வீரராக களமிறங்கிய கே.எல் ராகுல் 42 பந்துகளை சந்தித்து 1 பவுண்டரி மற்றும் 3 சிக்சர் என 56 ரன்கள் குவித்து அசத்தினார். அவர் அடித்த இந்த அரைசதத்தின் மூலம் ஐ.பி.எல் போட்டிகளில் மாபெரும் சாதனை ஒன்றினையும் ஐந்தாவது வீரராக ஐ.பி.எல் போட்டிகளில் நிகழ்த்தியுள்ளார். அதுகுறித்த தகவல் வெளியாகி அனைவரது மத்தியிலும் கவனத்தை ஈர்த்துள்ளது.
அப்படி கே.எல் ராகுல் நிகழ்த்திய சாதனை யாதெனில் : இதுவரை ஐ.பி.எல் போட்டிகளில் 6 சதம் மற்றும் 44 அரைசதம் என நேற்று அடித்த அரைசதத்துடன் சேர்த்து கே.எல் ராகுல் 50-வது முறையாக 50 ரன்களுக்கு மேல் அடித்துள்ளார். ஐ.பி.எல் போட்டிகளை பொருத்தவரை விராட் கோலி 76 முறை 50+ ரன்களை அடித்து முதல் இடத்தில் இருக்கிறார்.
அவருக்கு அடுத்து டேவிட் வார்னர் 66 முறை 50+ ரன்களை அடித்து இரண்டாவது இடத்திலும், ஷிகர் தவான் 53 முறை 50+ ரன்கள் அடித்து மூன்றாவது இடத்திலும், ரோகித் சர்மா 51 முறை 50+ ரன்கள் அடித்து நான்காவது இடத்தில் இருக்கும் வேளையில் ஐ.பி.எல் போட்டிகளில் 50 முறை 50+ ரன்கள் அடித்து தற்போது கே.எல் ராகுல் ஐந்தாவது இடத்தை பிடித்துள்ளார்.
இதையும் படிங்க : இன்னைக்கு நைட் தோனி ரிட்டையர்மென்ட் அறிவிக்கிறாரா? 5 ஆண்டுகளுக்கு முன் அவர் சொன்னது – விவரம் இதோ
அதேபோன்று ராஜஸ்தான் ராயல்ஸ் அணிக்கு எதிராக மட்டும் கே.எல் ராகுல் ஒன்பது அரைசதங்களை விளாசி ஏ.பி.டி வில்லியர்ஸை பின்னுக்கு தள்ளியுள்ளார். அதேபோன்று 8 முறையாக ஐ.பி.எல் சீசனில் 500 ரன்களை கடந்துள்ளது குறிப்பிடத்தக்கது.
