இங்கிலாந்து கிரிக்கெட் வீரர் ஹரி ப்ரூக் டெஸ்ட் போட்டிகளில் வருங்கால நம்பிக்கை நட்சத்திரமாக தன்னை அடையாளப்படுத்தி வருகிறார். இந்நிலையில் சச்சின் டெண்டுல்கரின் இளம் வயதை விட ஹரி ப்ரூக் தனது ஆரம்ப காலங்களில் அற்புதமாக விளையாடுவதாக முன்னாள் ஆஸ்திரேலிய வீரர் கிரேக் சேப்பல் பாராட்டியுள்ளார். அதற்கான காரணங்கள் பற்றி சமீபத்திய பேட்டியில் அவர் தெரிவித்துள்ளது பின்வருமாறு.
“ஹரி ப்ரூக்கின் செயல்பாடுகள் மற்றும் அணுகுமுறையை நான் கிரேட் சச்சின் டெண்டுல்கருடன் ஒப்பிடுகிறேன். அவருடைய இந்த ஆரம்பகால கேரியர் புள்ளிவிவரங்கள் இதே காலகட்டத்தில் இந்திய மாஸ்டர் சச்சின் வெளிப்படுத்திய செயல்பாடுகளை விட சிறப்பாக இருப்பதாக பரிந்துரைக்கிறது. 25 வயதில் ப்ரூக் உலகிலேயே மிகவும் அதிகம் பேசப்படும் வீரராக வேகமாக வந்துள்ளார்”
ப்ரூக் அசத்தல்:
“அவர் ஒரு எளிய அதே சமயம் அதிரடியான பேட்டிங் முறையை பெருமைப்படுத்துகிறார். ஆரம்பக் காலங்களில் சச்சின் விளையாடியதைப் போலவே அவரும் வெள்ளைக்கோட்டுக்குள் பந்தை வெளியிடும் முன் அதிகமாக நகருவதில்லை. அவருடைய நிலையான மற்றும் குறைவான டெக்னிக் பவுலரின் கோணத்தை நன்றாக படித்து அதற்கு தகுந்தார் போல் விளையாட உதவுகிறது”
“அதன் பயனாக பெரும்பாலான பந்துகளில் அவர் அற்புதமான ஆட்டத்தை வெளிப்படுத்துகிறார். ஆரம்பகட்ட நாட்களில் டெண்டுல்கர் பவுலர்களின் வேகத்தை சாதகமாக எடுத்துக்கொண்டு இருபுறங்களிலும் பெரிய ரன்கள் குவித்தார். உடலளவில் ப்ரூக் வலுவான வீரராக இருந்தாலும் சச்சின் போலவே பல்வேறு ஷாட்டுகளை அடிப்பதன் வாயிலாக களத்தில் வியக்கத்தக்க ஒரு திறனை காட்டுகிறார்”
சேப்பல் பாராட்டு:
“முதல் 15 டெஸ்ட் போட்டிகளில் அவர்களுடைய புள்ளி விவரங்கள் கண் திறப்பதாக இருக்கிறது. சச்சின் டெண்டுல்கர் 2 சதங்களுடன் 837 ரன்களை 40க்கும் குறைவான சராசரியில் பேட்டிங் செய்திருந்தார். ஆனால் ப்ரூக் 1378 ரன்களை கிட்டத்தட்ட 60 என்ற சராசரியில் 5 சதங்களுடன் குவித்துள்ளது வித்தியாசமானதாக இருக்கிறது. அதே சமயம் சச்சின் தனது ஆரம்ப காலங்களில் 20 வயதுக்குள் விளையாடிய நிலையில் ப்ரூக் 20 வயதுக்கு மேலே விளையாடுகிறார்”
இதையும் படிங்க: சாம்பியன்ஸ் டிராபி தொடருக்கான இந்திய அணி அறிவிக்கப்படுவதில் ஏற்பட்டுள்ள கால தாமதம் – காரணம் என்ன?
“சச்சின் போலவே அவருடைய ஆக்ரோசம் மற்றும் தொடர்ச்சியான ரன்கள் குவிக்கும் திறன் எதிரணி பவுலர்களுக்கு பயத்தை உருவாக்குகிறது. எனவே இங்கிலாந்து அணிக்கு அவர் ஒரு பிரகாசமான வாய்ப்பு மட்டுமல்ல. அவர்களின் எதிர்காலத்தை கட்டி எழுப்பக் கூடிய ஒரு வீரராக இருப்பார்” என்று கூறினார். அவர் கூறுவது போல ஹரி ப்ரூக் இங்கிலாந்து அணியின் நம்பிக்கை நட்சத்திரமாக இருப்பார் என்று ஜோ ரூட்டும் சமீபத்தில் பாராட்டியது குறிப்பிடத்தக்கது.
