இந்தியாவில் நடைபெறும் 2023 ஐசிசி உலகக் கோப்பையை வெல்வதற்காக உலகின் டாப் 10 கிரிக்கெட் அணிகள் இறுதிக்கட்டமாக தயாராகி வருகின்றன. அதில் சொந்த மண்ணில் கோப்பையை வெல்வதற்காக தயாராக இருக்கும் இந்திய அணிக்கு மிகப்பெரிய சவாலை கொடுக்கும் அணியாக ஆஸ்திரேலியா இருக்கும் என்றே சொல்லலாம். ஏனெனில் ஏற்கனவே 5 கோப்பைகளை வென்ற அந்த அணி கடந்த மார்ச் மாதம் இந்தியாவை அதன் சொந்த மண்ணில் 2 – 1 (3) என்ற கணக்கில் தோற்கடித்தது.
எனவே அக்டோபர் 8ஆம் தேதி இந்தியாவுக்கு எதிராக மீண்டும் சென்னையில் நடைபெறும் தங்களுடைய முதல் போட்டியில் ஆஸ்திரேலியா முழு பலத்துடன் களமிறங்கி வெற்றி காண்பதற்கு தயாராக உள்ளது. இந்நிலையில் இந்தியாவில் இருக்கும் நட்சத்திர ஆஸ்திரேலிய துவக்க வீரர் டேவிட் வார்னரிடம் செய்தியாளர்கள் சில சுவாரசியமான கேள்விகள் கேட்டனர்.
வார்னரின் பதில்கள்:
அதில் குறிப்பாக கிரிக்கெட்டின் மகத்தான ஃபினிஷர் யார் என்ற கேள்விக்கு தோனியை பதிலாக கொடுத்த அவர் சச்சின் டெண்டுல்கர் வீரேந்திர சேவாக் ஆகியோருடன் வாய்ப்பு கிடைத்தால் விளையாட விரும்புவதாக மற்றொரு கேள்விக்கு பதிலளித்தார். இது பற்றி ஜியோ சினிமா சேனலில் இருந்து உரையாடல் பின்வருமாறு:
1. கிரிக்கெட்டை நீங்கள் விளையாடுவதற்காக எந்த வீரர் உங்களுக்கு உத்வேகத்தை கொடுத்தார்கள்?
வார்னர் : எனக்கு ஷேன் வாட்சன், ரிக்கி பாண்டிங் மற்றும் ஆடம் கில்கிறிஸ்ட் ஆகியோர் ரோல் மாடல்கள். அவர்கள் விளையாடியதை போல் நானும் விளையாட விரும்பினேன். குறிப்பாக லெக் ஸ்பின்னராக நான் விளையாட விரும்பினேன். கில்கிறிஸ்ட் அற்புதமான துவக்க வீரர் பாண்டிங் எங்களின் சிறந்த வீரர்களில் ஒருவர்.
2. கிரிக்கெட்டின் ஆல் டைம் கிரேட்டஸ்ட் வீரர் யார்?
வார்னர் : சந்தேகமின்றி ஜேக் காலிஸ்
3. சர்வதேச கிரிக்கெட்டில் உங்களுக்கு மிகவும் பிடித்த உங்களின் இன்னிங்ஸ் எது?
வார்னர் : 2019இல் அடிலெய்ட் மைதானத்தில் பாகிஸ்தானுக்கு எதிராக அடித்த 335* ரன்கள்
3. கிரிக்கெட்டின் வரலாற்றில் யார் மகத்தான ஃபினிஷர் என்று நீங்கள் கருதுகிறீர்கள்?
வார்னர் : என்னைப் பொறுத்த வரை எம்எஸ் தோனி
4. உங்கள் கேரியரின் சிறந்த தருணம் எது?
வார்னர் : 2015 உலகக்கோப்பை வென்றது
5. இன்ஸ்டாகிராம் ரீல் செய்வதற்காக நீங்கள் விரும்பும் திரைப்பட நடிகர் யார்?
வார்னர் : அல்லு அர்ஜுன்
6. கடந்த காலங்களில் விளையாடிய முன்னாள் வீரர்களின் நீங்கள் துவக்க வீரராக களமிறங்க விரும்புவது யாருடன்?
வார்னர்: ஒருநாள் கிரிக்கெட்டில் சச்சின் டெண்டுல்கர், கிரிக்கெட்டில் சேவாக் அல்லது ஹைடன்
இதையும் படிங்க: 90ஸ் கிட்ஸ்க்கு தான் தெரியும்.. அவர் வெறும் போஸ்டர் பாய் இல்லை.. அதை தாண்டிய மகத்தானவர் – அஸ்வின் பாராட்டு
7. நீங்கள் கிரிக்கெட்டராக வராமல் போனால் என்ன செய்திருப்பீர்கள்?
வார்னர் : விண்வெளி வீரர்
8. பிடித்த இந்திய உணவு எது?
வார்னர் : ஹைதராபாத் பிரியாணி
9. உங்கள் வாழ்வில் விளையாட நீங்கள் தேர்வு செய்யக்கூடிய ஒரு வீரர் யார்?
வார்னர் : ராகுல் டிராவிட்
