ஐக்கிய அரபு அமீரகத்தில் தற்போது நடைபெற்று வரும் 14-வது ஐபிஎல் தொடர் லீக் போட்டிகளின் இறுதி கட்டத்தை நெருங்கி உள்ளது. இந்த தொடருக்கான பிளே ஆப் சுற்றுக்கு முதல் இரு அணிகளாக டெல்லி மற்றும் சென்னை அணிகள் தகுதி பெற்றன. அதனை தொடர்ந்து பெங்களூரு ராயல் சேலஞ்சர்ஸ் அணியும் தகுதி பெற்றுவிட்டது. தற்போது நான்காம் இடத்திற்கான போட்டியே குறிப்பிட்ட சில அணிகளுக்கு இடையே கடுமையான நிலவி வருகிறது.
இந்நிலையில் பிளே ஆப் சுற்றுக்கு முன்பாக தற்போது சென்னை அணியை சேர்ந்த இளம் வேகப்பந்து வீச்சாளரான சாம் கரன் முதுகு வலி காரணமாக இந்த ஐபிஎல் தொடரில் இருந்து வெளியேறியுள்ளார். இதனால் அவருக்கு பதிலாக மாற்று வீரரை தெரிவு செய்யவேண்டிய கட்டாயத்திற்கு சென்னை அணி தள்ளப்பட்டது.
மேலும் இதுகுறித்து பிசிசிஐ-யிடம் அனுமதி பெற்ற சென்னை சூப்பர் கிங்ஸ் அணி தற்போது மாற்று வீரரை அதிகாரப்பூர்வமாக அறிவித்துள்ளது. அதன்படி ஏற்கனவே துபாயில் நெட் பவுலர்களாக இருக்கும் 4 வெஸ்ட் இண்டீஸ் வீரர்களில் ஒருவரை தேர்வு செய்வார்கள் என்று எதிர்பார்க்கப்பட்டது. இவ்வேளையில் எதிர்பார்த்தவாறே வெஸ்ட் இண்டீஸ் அணியை சேர்ந்த ஆல்ரவுண்டர் டோமினிக் டிரேக்ஸ்-ஸை சிஎஸ்கே அணி ஒப்பந்தம் செய்துள்ளது.
இளம் வீரரான டோமினிக் டிரேக்ஸ் இன்னும் சர்வதேச போட்டிகளில் விளையாட வில்லை என்றாலும் டி20 லீக் போட்டிகளில் அசத்தலாக செயல்பட்டு வருகிறார். இந்த வருடம் கரீபியன் லீக் தொடரில் நடைபெற்ற இறுதிப்போட்டியில் செயின்ட் கிட்ஸ் அணி இறுதி போட்டியில் வெற்றி பெற இவர் முக்கிய காரணமாக இருந்தது குறிப்பிடத்தக்கது.
இதையும் படிங்க : டி20 கிரிக்கெட்டை பொருத்தவரை எனக்கு பிடித்த 5 வீரர்கள் இவர்கள்தான் – கைரன் பொல்லார்டு தேர்வு
ஏனெனில் வேகப்பந்து வீச்சாளரான இவர் அந்த இறுதிப்போட்டியில் பேட்டிங்கில் 24 பந்துகளை சந்தித்து 48 ரன்கள் குவித்து அணியை வெற்றி பெறச்செய்தது குறிப்பிடத்தக்கது. துல்லியமான பந்துவீச்சாளராக செயல்படும் இவர் பேட்டிங்கிலும் அதிரடியாக விளையாட கூடியவர் என்பதால் டோமினிக் டிரேக்ஸ் நிச்சயம் இவர் சிஎஸ்கே அணிக்கு நல்ல வரவு தான்.
