சர்வதேச கிரிக்கெட் கவுன்சிலான ஐசிசி ஒவ்வொரு ஆண்டும் மூன்று வகையான கிரிக்கெட்டிலும் சிறந்து விளங்கும் கிரிக்கெட் வீரர்களுக்கு விருது வழங்கி கவுரவிப்பது வழக்கம். அந்த வகையில் கடந்த 2023-ஆம் ஆண்டிற்கான சிறந்த வீரர்களுக்கான விருதினை தற்போது ஐ.சி.சி வழங்கி கௌரவித்துள்ளது. இதுகுறித்த விவரம் தற்போது செய்தியாக வெளியாகி கவனத்தை ஈர்த்துள்ளது.
அந்த வகையில் நியூயார்க் நகரில் நடைபெற்ற இந்த 2023-ஆம் ஆண்டிற்கான சிறந்த ஒருநாள் வீரருக்கான விருது இந்திய அணியின் நட்சத்திர விராட் கோலிக்கு வழங்கப்பட்டது. அந்த நிகழ்ச்சியில் கலந்துகொண்ட விராட் கோலி அந்த விருந்துக்கான கோப்பை மற்றும் தொப்பையை பெற்றுக்கொண்டார்.
கடந்த சில ஆண்டுகளாகவே தனது கரியரின் இறங்கு முகத்தில் இருந்து வந்த விராட் கோலிக்கு 2023-ஆம் ஆண்டு மிகச்சிறப்பாக அமைந்தது என்றே கூறலாம். ஏனெனில் கடந்த 2023-ஆம் ஆண்டில் மட்டும் விராட் கோலி 27 ஒருநாள் போட்டிகளில் பங்கேற்று விளையாடி உள்ளார்.
அதிலும் குறிப்பாக கடந்த ஆண்டு மட்டும் 27 ஒருநாள் ஆட்டங்களில் விளையாடிய அவர் 6 அரைசதம் மற்றும் 8 சதம் என 1377 ரன்களை குவித்து அசத்தியிருந்தார். அதோடு கடந்த ஆண்டு நடைபெற்ற ஆசிய கோப்பை மற்றும் ஒருநாள் உலக கோப்பை கிரிக்கெட்டில் இந்திய அணிக்காக மிகச் சிறப்பான செயல்பாட்டையும் அவர் வெளிப்படுத்தி இருந்தார்.
அந்த வகையில் இந்தியாவில் கடந்த ஆண்டு நடைபெற்று முடிந்த 50 ஓவர் உலகக் கோப்பை கிரிக்கெட் தொடரில் 11 போட்டியில் விளையாடிய விராட் கோலி 765 ரன்கள் குவித்திருந்ததுகுறிப்பிடத்தக்கது.
இதையும் படிங்க : டி20 உலககோப்பை முதல் போட்டியிலேயே கிறிஸ் கெயிலின் மாபெரும் சாதனையை சமன் செய்த – அமெரிக்க வீரர்
இதன் காரணமாக அவருக்கு 2023-ஆம் ஆண்டிற்கான சிறந்த ஒருநாள் வீரர் என்ற விருது வழங்கி கௌரவிக்கப்பட்டது. இந்த விருதினை நான்காவது முறையாக அவர் வென்றுள்ளார் என்பது குறிப்பிடத்தக்கது. அதோடு 2024-ஆம் ஆண்டிற்கான டி20 உலககோப்பை தொடரில் பங்கேற்க விராட் கோலி தீவிரமாக தயாராகி வருகிறார்.
