இவரின் வருகை சன் ரைசர்ஸ் அணிக்கு மிகப்பெரிய பலத்தை அளித்துள்ளது – டேவிட் வார்னர் புகழாரம்

Holder

ஐபிஎல் தொடரின் 40 ஆவது போட்டி நேற்று துபாய் இன்டர்நேஷனல் மைதானத்தில் நடைபெற்றது. இந்த போட்டியில் ஸ்டில் ஸ்மித் தலைமையிலான ராஜஸ்தான் ராயல்ஸ் அணியும், டேவிட் வார்னர் தலைமையிலான சன்ரைசர்ஸ் ஹைதராபாத் அணியும் மோதின. இந்தப் போட்டியில் டாஸ் வென்ற சன் ரைசர்ஸ் அணியின் கேப்டன் வார்னர் முதலில் பந்து வீசுவதாக அறிவித்தார். அதன்படி முதலில் பேட்டிங் செய்த ராஜஸ்தான் ராயல்ஸ் அணி 20 ஓவர்களின் முடிவில் 6 விக்கெட்டுகளை இழந்து 154 ரன்கள் குவித்தது.

srhvsrr

அதிகபட்சமாக சஞ்சு சாம்சன் 36 ரன்களும், ஸ்டோக்ஸ் 30 ரன்களும் குவித்தனர். சன் ரைசர்ஸ் அணி சார்பாக இந்தப் போட்டியில் முதன்முதலாக விளையாடிய ஜேசன் ஹோல்டர் 4 ஓவர்கள் வீசி 33 ரன்களை விட்டுக் கொடுத்து 3 விக்கெட்டுகளை வீழ்த்தி அசத்தினார். அதன்பிறகு 155 ரன்கள் எடுத்தால் வெற்றி என்ற இலக்குடன் களமிறங்கிய சென்ற ஹைதராபாத் அணி துவக்கத்தில் வார்னர் இஸ்ரோ என அடுத்தடுத்து விக்கெட்டுகளை இழக்க 16 ரன்களுக்குள் 2 விக்கெட்டுகளை இழந்து தத்தளித்தது.

ஆனால் அடுத்து களமிறங்கிய மணிஷ் பாண்டே மற்றும் விஜய் சங்கர் ஆகியோர் சிறப்பாக விளையாடி 140 ரன்கள் பார்ட்னர்ஷிப் அமைத்து அணியை வெற்றிக்கு கொண்டு சென்றனர். மனிஷ் பாண்டே 47 பந்துகளில் 8 சிக்ஸர் மற்றும் 4 பவுண்டரிகளுடன் 83 ரன்களுடனும், 51 பந்துகளைச் சந்தித்த விஜய் சங்கர் 6 பவுண்டரிகளுடன் 52 ரன்களும் எடுத்து ஆட்டம் இழக்காமல் இறுதிவரை களத்தில் இருந்தனர். ஆட்டநாயகனாக மணிஷ் பாண்டே தேர்வானார்.

SRH

இந்நிலையில் போட்டி முடிந்து பேட்டியளித்த சன் ரைசர்ஸ் அணியின் கேப்டன் வார்னர் கூறுகையில் : ஜேசன் ஹோல்டர் அணியில் இணைந்து இருப்பது எங்களுக்கு மிகப் பெரிய பலமாக அமைந்துள்ளது. ஏனெனில் அனுபவம் வாய்ந்த வீரரான அவர் எங்களது அணியின் பவுலிங் யூனிட்டில் சேர்ந்தது பவுலிங்கை பலப்படுத்த உள்ளது.

- Advertisement -

Holder 1

அதுமட்டுமின்றி அவரால் சிறப்பாக பேட்டிங் செய்யவும் முடியும். அவர் ஒரு ஆல்ரவுண்டர் பேக்கேஜ் அவர் எங்கள் அணியில் இணைந்தது மிகப் பெரிய பலத்தை கொடுத்துள்ளது. மேலும் மிடில் ஓவர்களில் சிறப்பாக பந்து வீசி விக்கெட்டுகளையும் வீழ்த்தினார் என்று ஜேசன் ஹோல்டரை வார்னர் பாராட்டியுள்ளது குறிப்பிடத்தக்கது.