ஐசிசி 2024 டி20 உலகக் கோப்பையில் இந்திய கிரிக்கெட் அணி 2007க்குப்பின் சாம்பியன் பட்டம் வெல்லும் முனைப்புடன் களமிறங்கியுள்ளது. இந்த தொடருக்காக அறிவிக்கப்பட்ட இந்திய அணியில் ஹர்திக் பாண்டியா மற்றும் சிவம் துபே ஆகியோர் வேகப்பந்து வீச்சு ஆல் ரவுண்டர்களாக தேர்வாகியுள்ளனர். குறிப்பாக சிஎஸ்கே அணியில் சிறப்பாக விளையாடியதால் சிவம் துபே முதல் முறையாக இந்தியாவுக்காக உலகக் கோப்பையில் தேர்வாகியுள்ளார்.
2019இல் அறிமுகமாகி சுமாராக செயல்பட்ட அவரை இந்திய அணி நிர்வாகம் கழற்றி விட்டது. அதே போல ஐபிஎல் தொடரிலும் பெங்களூரு, ராஜஸ்தான் அணிகளில் தடுமாற்றமாகவே செயல்பட்ட அவரை 2022 சீசனில் சிஎஸ்கே நிர்வாகம் வாங்கியது. அந்த வாய்ப்பில் 2023 சீசனில் தனது கேரியரிலேயே உச்சகட்ட செயல்பாடுகளை வெளிப்படுத்திய அவர் சிஎஸ்கே 5வது கோப்பையை வெல்ல உதவினார்.
கபில் தேவ் மாதிரி:
அதே வேகத்தில் இந்த வருடமும் ஓரளவு நன்றாக செயல்பட்டதால் அவருக்கு உலகக் கோப்பை வாய்ப்பு கிடைத்தது. இருப்பினும் ஐபிஎல் தொடரில் அவருக்கு சிஎஸ்கே நிர்வாகம் பவுலிங் செய்வதற்கு பெரியளவில் வாய்ப்பு வழங்கவில்லை. இந்நிலையில் இந்திய ஜாம்பவான் கபில் தேவ் போல சிவம் துபே பவுலிங் திறமையை கொண்டவர் என்று சிஎஸ்கே அணியின் பயிற்சியாளர் ஸ்டீபன் பிளமிங் பாராட்டியுள்ளார்.
இருப்பினும் இம்பேக்ட் வீரர் விதிமுறையால் சிஎஸ்கே அணியில் அவருக்கு அதிகமாக பவுலிங் செய்யும் வாய்ப்பை கொடுக்க முடியவில்லை என்றும் அவர் தெரிவித்துள்ளார். இது பற்றி அவர் பேசியது பின்வருமாறு. “அவருடைய பவுலிங் மற்றும் அதைப் பற்றி பேசும் விதம் என்றால் அவர் கபில் தேவ் போன்றவர். அவர் மிகவும் கடினமாக உழைத்து வருகிறார். அவர் ஐபிஎல் தொடரில் கடினமாக உழைத்தார்”
“ஆல் ரவுண்டராக செயல்படக்கூடிய பல வீரர்கள் எங்களிடம் இருந்தனர். ஆனால் இம்பேக்ட் வீரர் விதிமுறை உண்மையில் ஒரு ஆல் ரவுண்டர் அல்லது பகுதி நேர பவுலர் நன்றாக பேட்டிங் செய்யும் பாத்திரத்தை குறைக்கிறது. அது ஒரு அவமானம். அவர் தனது பந்து வீச்சை செய்து வருகிறார். சரியான சூழ்நிலைகளில் அவருடைய வேகத்தை மாற்றி மெதுவாக வீசும் கட்டர் பந்துகள் போட்டியில் முக்கிய பங்காற்றலாம்”
இதையும் படிங்க: அதை சொல்றதுக்கு கூச்சப்படல.. ஆனா இந்தியாவை அமைதியா வெச்சு வீழ்த்துவோம்.. அயர்லாந்து வீரர் சவால்
“அந்த வகையில் அவர் தன்னுடைய வேலையை செய்ய முடியும். அதற்காக அவர் கடினமாக உழைத்துள்ளார்” என்று கூறினார். முன்னதாக 2024 ஐபிஎல் தொடரில் ஒரு ஓவர் மட்டுமே வீசிய சிவம் துபே ஒரு விக்கெட் எடுத்தார். அந்த நிலையில் வங்கதேசத்துக்கு எதிரான பயிற்சிப் போட்டியில் அவர் 2 விக்கெட்டுகளை எடுத்து அசத்தியது குறிப்பிடத்தக்கது.
