ஷ்ரேயாஸ் ஐயர் தலைமையிலான இந்திய டி20 கிரிக்கெட் அணியானது தற்போது இங்கிலாந்து அணிக்கு எதிராக நடைபெற்று வரும் 5 போட்டிகள் கொண்ட டி20 தொடரில் பங்கேற்று விளையாடி வருகிறது. இந்த தொடர் முடிந்த கையோடு இந்திய அணி ஜூலை 23ஆம் தேதி முதல் ஜிம்பாப்வே அணிக்கு எதிராக நடைபெறவுள்ள மூன்று போட்டிகள் கொண்ட டி20 தொடரில் பங்கேற்று விளையாட இருக்கிறது.
ஜிம்பாப்வே தொடருக்கான இந்திய அணியில் இடம்பிடிக்காத சஞ்சு சாம்சன் :
இந்த டி20 தொடருக்கான இந்திய அணி பி.சி.சி.ஐ-யின் மூலம் அதிகாரப்பூர்வமாக அறிவிக்கப்பட்டது. அந்த அணியில் நட்சத்திர விக்கெட் கீப்பர் பேட்ஸ்மேனான சஞ்சு சாம்சன் பெயர் இடம்பெறவில்லை. இப்படி சஞ்சு சாம்சனின் பெயர் இந்த தொடருக்கான இந்திய அணியில் இடம்பெறாதது பலரது மத்தியிலும் கேள்வியை எழுப்பியுள்ளது.
ஏனெனில் ஏற்கனவே இங்கிலாந்து தொடரின் முதல் போட்டியில் 1 ரன் மட்டுமே எடுத்த நிலையில் ஏமாற்றம் அளித்ததால் இரண்டாவது போட்டியின் போது அவருக்கு பிளேயிங் லெவனில் வாய்ப்பு கிடைக்கவில்லை. இவ்வேளையில் இந்த இங்கிலாந்து தொடர் முடிந்த கையோடு நடைபெறவுள்ள ஜிம்பாப்வே தொடரில் அவர் இடம்பெறாதது கேள்வியை எழுப்பியுள்ளது.
இவ்வேளையில் சஞ்சு சாம்சனின் பெயர் இந்த தொடரில் இடம்பெறாதது குறித்து பி.சி.சி.ஐ தரப்பில் வெளியான ஒரு அறிக்கையில் : ஜிம்பாப்வே போன்ற சிறிய அணிகளுக்கு எதிரான தொடரில் சீனியர் வீரர்களை அழைத்து அவர்களை பெஞ்சில் அமரவைப்பதை விட அவர்களுக்கு ஓய்வு வழங்குவதே சரி.
இதையும் படிங்க : இங்கிலாந்து அணிக்கு எதிரான ஒருநாள் தொடரில் இருந்து நிதீஷ் ரெட்டி விலகல் – மாற்றுவீரர் அறிவிப்பு
அதன் காரணமாகவே சஞ்சு சாம்சனின் பெயர் இந்த தொடரில் இடம் பெறவில்லை. அவருக்கு பதிலாக இளம் வீரர்களுக்கு வாய்ப்பு வழங்கப்பட்டுள்ளது என்றும் அவர் கூறியுள்ளது குறிப்பிடத்தக்கது. இந்த ஜிம்பாப்வே தொடருக்கான இந்திய அணியில் விக்கெட் கீப்பர் பேட்ஸ்மேனான பிரப்சிம்ரன் சிங் இடம்பிடித்துள்ளார் என்பது குறிப்பிடத்தக்கது.
