இந்தியாவில் ஆண்டுதோறும் ஐபிஎல் டி20 தொடர் நடைபெறுவதைப் போன்று பாகிஸ்தானில் பாகிஸ்தான் சூப்பர் லீக் டி20 போட்டிகள் நடைபெற்று வருகிறது. நடப்பு சீசனுக்கான லீக் சுற்று போட்டிகள் அனைத்தும் மார்ச் மாதத்தில் முடிவடைந்தது. அப்போது ஏற்பட்ட கொரோனா அச்சுறுத்தல் காரணமாக பிளே ஆப் சுற்று போட்டிகள் காலவரையின்றி ஒத்திவைக்கப்பட்டதாக நிர்வாகம் அறிவித்திருந்தது.
இந்நிலையில் தற்போது உலகெங்கும் கொரோனாவின் தாக்கம் சற்று குறைய ஆரம்பித்துள்ளதால் மீண்டும் போட்டிகள் மெல்ல மெல்ல போட்டிகள் ஆரம்பித்துள்ளன. இதன் காரணமாக தற்போது மீண்டும் நிலுவையிலிருந்த பிளே ஆப் சுற்றுக்கு போட்டிகளை பாகிஸ்தான் சூப்பர் லீக் நிர்வாகம் நடத்த முன்வந்துள்ளது.
அதன்படி இந்த போட்டிகள் வரும் 17-ம் தேதி வரை நடத்த அந்நாட்டு கிரிக்கெட் நிர்வாகம் முடிவு செய்துள்ளது. இந்த பிளே ஆப் சுற்றில் கராச்சி கிங்ஸ், முல்தான் சுல்தான்ஸ், பெஷாவர் ஷால்மி, லாகூர் அணிகள் தகுதி பெற்றுள்ளன. அதில் கராச்சி அணிக்காக வெஸ்ட் இண்டீஸ் அணியை சேர்ந்த 22 வயது பேட்ஸ்மேன் ரூதர்போர்ட் விளையாட உள்ளார். சமீபத்தில் நடைபெற்ற ஐபிஎல் தொடரில் மும்பை அணியில் இடம்பெற்றிருந்த இவர் ஒரு போட்டியில் கூட விளையாடவில்லை.
இருப்பினும் அவர் மும்பை அணியின் சார்பாக ஏலம் எடுக்கப்பட்டிருந்தார் என்பதால் மும்பை அணியுடன் இருந்தார். இந்நிலையில் தற்போது அவர் கராச்சி அணிக்காக பிளே ஆப் சுற்றுக்கு விளையாட பாகிஸ்தான் சென்றுள்ளார். அப்போது அவரின் வருகையை புகைப்படமாக எடுத்து அந்த அணி நிர்வாகம் பகிர்ந்துள்ளது.
Arrival of our 👑 #King #SherfaneRutherford for the Playoffs of #HBLPSLV 👊🏻
Karachi Kings Phir Se Tayyar Hai‼️#HBLPSLV #KarachiKings #YehHaiKarachi #PhirSeTayyarHain pic.twitter.com/qGMNBAf7dG— Karachi Kings (@KarachiKingsARY) November 11, 2020
அதில் அவர் மும்பை இந்தியன்ஸ் அணியின் ஜாக்கெட்டை அணிந்துள்ளார். இந்த புகைப்படத்தை கண்ட ரசிகர்கள் பலரும் மும்பை இந்தியன்ஸ் அணியை அணியின் ஜெர்சியை அவர் அணிந்துள்ளார் நிச்சயம் அவருக்கு கராச்சி கிங்ஸ் அணி நிர்வாகம் ஒரு டிராக் சூட்டை அனுப்பி இருக்க வேண்டும் என்று கிண்டல் செய்ததும் குறிப்பிடத்தக்கது.