26 வயதான இந்திய கிரிக்கெட் அணியின் இளம் மிடில் ஆர்டர் பேட்ஸ்மேனான சர்பராஸ் கான் அண்மையில் இங்கிலாந்து அணிக்கு எதிராக நடைபெற்ற ஐந்து போட்டிகள் கொண்ட டெஸ்ட் தொடரின் மூன்றாவது போட்டியில் அறிமுகமாகினார். அப்படி தனக்கு கிடைத்த முதல் போட்டியிலேயே இரண்டு இன்னிங்ஸ்களிலும் அரைசதம் அடித்து அசத்திய அவர் இங்கிலாந்து அணிக்கு எதிரான கடைசி 3 டெஸ்ட் போட்டிகளில் விளையாடியிருந்தார்.
அந்தவகையில் 5 இன்னிங்ஸ்களில் 50 ரன்கள் சராசரியுடன் 3 அரை சதங்களுடன் 200 ரன்களை குவித்துள்ளார். இதன் காரணமாக அவருக்கு தொடர்ச்சியாக இந்திய டெஸ்ட் அணியில் வாய்ப்பு கிடைக்கும் என்று எதிர்பார்க்கப்படுகிறது.
தற்போது இந்தியாவில் ஐபிஎல் தொடரானது நடைபெறவுள்ள வேளையில் எந்த அணியிலும் இடம் பெறாத சர்பராஸ் கான் தீவிர பயிற்சியினை மேற்கொண்டு பெறுகிறார். இந்நிலையில் இந்திய அணிக்காக அறிமுகமான பின்னர் தற்போது தனியார் தொலைக்காட்சி நிகழ்ச்சி ஒன்றில் கலந்து கொண்ட அவர் இந்திய அணிக்காக அறிமுகமாகிய பின்னர் தன்னுடைய வளர்ச்சி எவ்வாறு உள்ளது என்பதை குறித்து கலகலப்பான சில கருத்துக்களை பகிர்ந்துள்ளார்.
இதுகுறித்து பேசிய அவர் கூறுகையில் : ஐபிஎல் போன்ற நீண்ட தொடர்களில் விளையாடும் வீரர்களுக்கு காயம் ஏற்பட வாய்ப்பு உள்ளது. எனவே எனக்கான அழைப்பு எந்த அணியில் இருந்தும் எந்த நேரத்திலும் வரலாம். அதற்காக நான் தயாராக இருக்க வேண்டியது அவசியம். அதனால் என்னுடைய பேட்டிங்கில் கவனத்தை செலுத்த இருக்கிறேன்.
வீட்டில் இருந்தவாறு எப்போதும் பயிற்சியையும் மேற்கொண்டு வருகிறேன். சிறுவயதிலிருந்தே என் தந்தை கிரிக்கெட்டின் முக்கியத்துவத்தை சொல்லியே வளர்த்துள்ளார். அதனாலே நான் கிரிக்கெட் மீது பெரியளவில் பற்று கொண்டவனாக இருந்து வருகிறேன். இந்திய அணிக்காக அறிமுகமாகிய போது நிறைய பிரஷர் இருந்தது. ஆனாலும் வேகமாக நான் ரன்களை சேர்த்ததால் அதிலிருந்து வெளிவர முடிந்தது.
இதையும் படிங்க : அப்பா சொல்லிருக்காரு.. எனக்கு அதான் முக்கியம்.. ஐபிஎல் வாய்ப்பு கிடைக்காததை பற்றி வருத்தமில்ல.. முஷீர் கான்
இந்திய அணிக்காக அறிமுகமான பின்னர் என்ன மாற்றம் நடந்தது? என்று பலரும் கேட்கிறார்கள். அந்த வகையில் கடந்த நான்கு ஆண்டுகளில் எனது இன்ஸ்டாகிராம் பாலோவர்ஸ் எண்ணிக்கை 60,000 முதல் 70,000 வரை இருந்தது. ஆனால் இந்திய அணிக்காக மூன்றே போட்டிகளில் 1.6 மில்லியனாக மாறியுள்ளது என சர்பராஸ் கான் கூறியது குறிப்பிடத்தக்கது.
