இளம் வீரர் ரியான் பராக் இந்திய கிரிக்கெட் அணிக்காக சமீபத்திய ஜிம்பாப்வே மற்றும் இலங்கை தொடர்களில் அறிமுகமாகி அசத்தினர். அசாம் மாநிலத்தைச் சேர்ந்த அவர் கடந்த 2019 முதல் ஐபிஎல் தொடரில் ராஜஸ்தான் அணிக்காக விளையாடி வருகிறார். அந்த வாய்ப்பில் முதல் 5 வருடங்கள் சுமாராகவே செயல்பட்டு அவர் இந்த வருடம் அனுபவத்தால் முன்னேறி பெரிய ரன்கள் குவித்தார்.
அதனால் இந்திய அணிக்காக விளையாடும் வாய்ப்பை பெற்ற ரியான் பராக் இலங்கை தொடரின் முதல் டி20 போட்டியிலேயே முக்கிய நேரத்தில் பந்து வீசி வெற்றியில் பங்காற்றினார். குறிப்பாக வெறும் 5 ரன்கள் மட்டும் கொடுத்த அவர் 3 விக்கெட்டுகளை எடுத்து ரசிகர்களை ஆச்சரியப்படுத்தினார். அந்த வகையில் இதுவரை அவர் தன்னுடைய பேட்டிங்கை விட பந்து வீச்சில் நல்ல செயல்பாடுகளை வெளிப்படுத்தியுள்ளார்.
விராட் கோலி ரசிகன்:
இந்நிலையில் விராட் கோலி தமது ரோல் மாடல் என்று தெரிவிக்கும் ரியான் பராக் உள்ளூர் கிரிக்கெட்டில் ஒவ்வொரு வருடமும் 350 ஓவர்கள் வீசுவதாக கூறியுள்ளார். அதனாலேயே சர்வதேச கிரிக்கெட்டிலும் தம்மால் பந்து வீச்சில் அசத்த முடிவதாக அவர் தெரிவித்துள்ளார். இருப்பினும் அது ஒளிபரப்படாததால் தம்முடைய பவுலிங் திறமை பற்றி யாருக்கும் தெரிவதில்லை என்றும் ரியான் பராக் கூறியுள்ளார்.
இது பற்றி சமீபத்திய பேட்டியில் அவர் பேசியது பின்வருமாறு. “விராட் கோலி எனது ரோல் மாடல். அவரை நான் எப்போதும் பார்க்கிறேன். விராட் பையாவுடன் உடைமாற்றும் அறையை பகிர்ந்து கொண்டது நம்ப முடியாத கனவு நிஜமான தருணமாகும். அனைவரும் நான் எனது பந்து வீச்சில் ஸ்பெஷலாக வேலை செய்துள்ளதாக நினைக்கின்றனர்”
350 ஓவர்கள்:
“ஆனால் நான் உள்ளூர் கிரிக்கெட்டில் விக்கெட்டுகளை எடுத்துள்ளேன். அங்கே ஒவ்வொரு சீசனிலும் சுமார் 350 ஓவர்கள் வீசுகிறேன். இருப்பினும் அது ஒளிபரப்பப்படாததால் யாருக்கும் தெரியாது. நீண்ட காலமாக நான் பந்து வீசி வருகிறேன். தற்போது இந்தியாவுக்காகவும் ஐபிஎல் தொடரிலும் அதை செய்யும் போது எனது பவுலிங் காட்சிப்படுத்தப்படுகிறது”
இதையும் படிங்க: அதில் மாஸ்டரான அஸ்வினிடம் கத்துக்கிறேன்.. தகுதியான இந்திய அணிக்கு சவால் காத்திருக்கு.. நேதன் லயன்
“அதைத் தவிர்த்து நான் எக்ஸ்ட்ராவாக எதுவும் செய்யவில்லை” என்று கூறினார். அந்த வகையில் பகுதி நேர பவுலராக திறமையை வெளிப்படுத்துவதால் வருங்காலங்களில் அவருக்கு இந்திய அணியில் வாய்ப்புகள் கிடைக்கும் என்று நம்பப்படுகிறது. இதைத் தொடர்ந்து 2024 துலீப் கோப்பையில் ரியான் பராக் இந்தியா ஏ அணிக்காக விளையாடுகிறார்.
