இந்தியாவில் நடைபெற்று முடிந்த ஐபிஎல் தொடரினை அடுத்து இந்தியா மற்றும் தென் ஆப்பிரிக்க அணிகளுக்கு இடையிலான ஐந்து போட்டிகள் கொண்ட டி20 தொடரானது நடைபெற உள்ளது. வரும் ஜூன் 9-ஆம் தேதி துவங்கும் இந்த டி20 தொடரானது 19-ஆம் தேதி வரை நடைபெறுகிறது. இந்த தொடரின் முதலாவது டி20 போட்டி டெல்லி அருண் ஜேட்லி மைதானத்தில் 9-ஆம் தேதி துவங்க உள்ளது. இந்த தொடருக்கான இந்திய அணியில் சீனியர் வீரர்களுக்கு ஓய்வு அளிக்கப்பட்டுள்ளது.
அதன் காரணமாக இந்த தொடரில் கே.எல் ராகுல் தலைமையிலான இளம் வீரர்களை கொண்ட அணியே களமிறங்குகிறது. ஏற்கனவே இந்த தொடருக்கான இந்திய அணியை பிசிசிஐ அறிவித்த வேளையில் இந்த தொடருக்கான இந்திய அணியின் பிளேயிங் லெவனில் எந்தெந்த வீரர்கள் இடம் பிடிப்பார்கள் என்கிற எதிர்பார்ப்பு அனைவரது மத்தியிலும் இருந்து வருகிறது.
இந்நிலையில் இந்த தென்னாப்பிரிக்க தொடருக்கான முதலாவது டி20 போட்டியில் இந்திய அணியின் பிளேயிங் லெவன் எவ்வாறு இருக்க வேண்டும் என்பது குறித்து இந்திய அணியின் முன்னாள் பயிற்சியாளர் ரவிசாஸ்திரி தனது தெரிவினை வெளியிட்டிருக்கிறார். அப்படி ரவிசாஸ்திரி தேர்வு செய்த இந்த அணியில் துவக்க வீரர்களாக கே.எல் ராகுல் மற்றும் ருதுராஜ் கெய்க்வாட் ஆகியோர் இடம்பிடித்துள்ளனர்.
மூன்றாவது வீரராக இஷான் கிஷனை தேர்வு செய்துள்ள அவர் 4-வது வீரராக ஷ்ரேயாஸ் ஐயரை தேர்வு செய்துள்ளார். ஐந்தாவது இடத்தில் விக்கெட் கீப்பர் பேட்ஸ்மேனான ரிஷப் பண்ட்டை தேர்வுசெய்துள்ள அவர் ஆறாவது இடத்தில் பினிஷர் ரோலில் ஹார்டிக் பாண்டியாவை தேர்வு செய்துள்ளார். மேலும் சுழற்பந்து வீச்சாளர்களாக அக்ஷர் பட்டேல் மற்றும் யுஸ்வேந்திர சாஹல் ஆகியோரை தேர்வு செய்துள்ளார்.
மேலும் வேகப்பந்து வீச்சாளர்களாக புவனேஷ்வர் குமார் மற்றும் ஹர்ஷல் படேல் ஆகியோரை தேர்வு செய்ததோடு மூன்றாவது வேகப்பந்து வீச்சாளராக அர்ஷ்தீப் சிங் அல்லது உம்ரான் மாலிக் ஆகிய இருவரில் ஒருவருக்கு வாய்ப்பு கொடுக்கலாம் என்று தனது அணியை கணித்துள்ளார். ரவிசாஸ்திரி கணித்துள்ள முதல் டி20 போட்டிக்கான இந்திய அணி இதோ :
இதையும் படிங்க : ஐ.பி.எல் பிக்சிங் உண்மைதானா? ஹார்டிக் பாண்டியா பெற்ற விலையுயர்ந்த – பரிசால் வெடித்த சர்ச்சை
1) கே.எல் ராகுல், 2) ருதுராஜ் கெய்க்வாட், 3) இஷான் கிஷன், 4) ஷ்ரேயாஸ் ஐயர், 5) ரிஷப் பண்ட், 6) ஹார்டிக் பாண்டியா, 7) அக்சர் படேல், 8) புவனேஷ்வர் குமார், 9) ஹர்ஷல் படேல், 10) அர்ஷ்தீப் சிங்/உம்ரான் மாலிக், 11) யுஸ்வேந்திர சாஹல்
