இந்தியா மற்றும் வெஸ்ட் இண்டீஸ் அணிகளுக்கு எதிரான டி20 தொடரில் இந்தியா 2-0 என்ற கணக்கில் முன்னிலையில் இருந்தது. இந்நிலையில் நேற்று இவ்விரு அணிகளுக்கும் இடையே மூன்றாவது டி20 போட்டி கயானாவில் நடைபெற்றது.
இந்தப் போட்டியில் முதலில் டாஸ் வென்ற இந்திய அணி பந்துவீச்சை தேர்வு செய்தது. அதன்படி முதலில் ஆடிய வெஸ்ட் இண்டீஸ் அணி 20 ஓவர்கள் முடிவில் 6 விக்கெட்டுகளை இழந்து 146 ரன்கள் அடித்தது. அதிகபட்சமாக பொல்லார்ட் 58 ரன்கள் குவித்தார். அதன்பிறகு விளையாடிய இந்திய அணி 19.3 ஓவர்களில் 3 விக்கெட் இழப்பிற்கு 150 ரன்கள் அடித்து வெற்றி பெற்றது. அதிகபட்சமாக ரிஷப் பண்ட் 65 ரன்கள் குவித்தார், கோலி 59 ரன்கள் குவித்தது குறிப்பிடத்தக்கது.
போட்டி முடிந்து பேசிய ஆட்டநாயகன் க்ருனால் பாண்டியா கூறியதாவது : இந்த போட்டியில் வெற்றி எங்களுக்கு சிறப்பான அனுபவத்தை தந்தது. பொல்லார்ட் எனக்கு அண்ணன் மாதிரி அவருடைய வலிமை எனக்கு தெரியும் என்னுடைய வலிமை அவருக்கு தெரியும். அதனால் இந்த போட்டியில் அவர் என்னை சிறப்பாக எதிர்கொண்டார்.
மும்பை இந்தியன்ஸ் அணிக்காக இருவரும் ஒன்றாக விளையாடிவருவது குறிப்பிடத்தக்கது. மேலும் பாண்டியா சகோதரர்கள் மற்றும் பொல்லார்டு ஆகியோர் மும்பை அணியின் முக்கிய பலமாக இருப்பது குறிப்பிடத்தக்கது.
