இலங்கை பவுலர் செய்த அந்த செயலால் தான் நான் 6 பந்திலும் சிக்ஸ் அடித்தேன் – பொல்லார்ட் பேட்டி

Pollard

வெஸ்ட் இண்டீஸ் நாட்டிற்கு சுற்றுப்பயணம் மேற்கொண்டுள்ள இலங்கை கிரிக்கெட் அணி தற்போது அந்நாட்டுக்கு எதிரான 3 போட்டிகள் கொண்ட டி20 தொடரில் பங்கேற்று விளையாடி வருகின்றது. இவ்விரு அணிகளுக்கும் இடையே சில தினங்களுக்கு முன்னர் நடைபெற்ற முதலாவது டி20 போட்டியில் வெஸ்ட் இண்டீஸ் அணி டாஸ் வென்று பீல்டிங் தேர்வு செய்தது. அதன்படி முதலில் விளையாடிய இலங்கை அணி 20 ஓவர்கள் முடிவில் 9 விக்கெட் இழப்பிற்கு 131 ரன்கள் மட்டுமே குவித்தது.

dananjaya

அடுத்ததாக 132 ரன்கள் எடுத்தால் வெற்றி என்ற இலக்குடன் விளையாடிய இந்திய அணி தொடக்கத்திலேயே அதிரடியை வெளிக்காட்டியது. சிம்மன்ஸ் 26 ரன்களும், லீவிஸ் 28 ரன்களும் எடுத்து சிறப்பான துவக்கம் கொடுத்தனர். அதன் பிறகு நான்காவது ஓவரை வீசிய இலங்கை அணியின் இளம் சுழற்பந்து வீச்சாளரான அகில தனஞ்ஜெயா ஹாட்ரிக் விக்கெட் வீழ்த்தி சாதனை நிகழ்த்தினார்.

இதில் லீவிஸ், கெயில்(0), நிக்கலஸ் பூரன்(0) ஆகிய மூவரும் அடுத்தடுத்து ஆட்டமிழந்தனர். அதன்பின்னர் வெஸ்ட் இண்டீஸ் அணி சற்று பொறுமையாக விளையாடும் என்று அனைவரும் எதிர்பார்த்த வேளையில் கேப்டன் பொல்லார்ட் களமிறங்கி சிறப்பாக விளையாடினார். ஹாட்ரிக் விக்கெட் வீழ்த்திய தனஞ்ஜெயா வீசிய 6 ஆவது ஓவரில் 6 சிக்சர்கள் பறக்கவிட்டு உலக சாதனை படைத்தார்.

இதற்கு முன்னர் இந்திய அணியின் அதிரடி ஆட்டக்காரரான யுவராஜ் சிங் இங்கிலாந்து அணிக்கு எதிராக 2007 ஆம் ஆண்டு நடைபெற்ற உலகக் கோப்பை போட்டியின் போது சர்வதேச டி20 போட்டியில் முதலாவது நபராக 6 பந்துகளில் 6 சிக்சர் அடித்து சாதனை செய்தார். அந்த சாதனையை இந்த போட்டியில் பொல்லார்ட் சமன் செய்துள்ளார். இந்நிலையில் போட்டி முடிந்து தான் கடைசி சிக்ஸர் அடித்தது குறித்து பொல்லார்ட் தனது கருத்தினை வெளிப்படுத்தினார். இதுகுறித்து அவர் கூறுகையில் :

- Advertisement -

கடைசி சிக்சர் அடிக்கும் முன்னர் இரு விஷயங்கள் என் மனதில் ஓடிக்கொண்டிருந்தன. ஒன்று நான் சிக்சருக்கு போகலாமா ? அல்லது அடித்த 30 ரன்கள் உடன் அடுத்த ஓவருக்கு செல்லலாமா ? என்று யோசித்தேன். ஆனால் அப்போது பவுலர் “Arround the Wicket க்கு”சென்று பந்து வீச தயாரானார். மேலும் அவர் எனது கால்களின் பேட் அருகே பந்துவீச நான் எனக்குள்ளே ” காத்திரு போலி இந்த வாய்ப்பை பயன்படுத்திக் கொள்” என்று நினைத்துக்கொண்டு எனக்கு ஏதுவாக வீசப்பட்ட அந்த பந்தையும் தூக்கி சிக்ஸர் அடித்தேன் என்று பொல்லார்ட் கூறியுள்ளது குறிப்பிடத்தக்கது.