ஐபிஎல் 2024 டி20 கிரிக்கெட் தொடரின் மாபெரும் இறுதிப் போட்டியில் ஹைதராபாத்தை 8 விக்கெட் வித்தியாசத்தில் கொல்கத்தா வீழ்த்தியது. அதனால் 2012, 2014க்குப்பின் 3வது கோப்பையை வென்ற கொல்கத்தா 2வது வெற்றிகரமான ஐபிஎல் அணியாக வரலாறு படைத்தது. மறுபுறம் 113க்கு ஆல் அவுட்டாகி ஃபைனலில் குறைந்தபட்ச ஸ்கோர் பதிவு செய்த அணியாக மோசமான சாதனை படைத்த ஹைதராபாத் 2016க்குப்பின் கோப்பை வெல்லும் வாய்ப்பை கோட்டை விட்டது.
இந்நிலையில் ஐபிஎல் 2024 தொடரில் கொடுக்கப்பட்ட பரிசு தொகையை பற்றி பார்ப்போம்:
1. முதலில் சாம்பியன் பட்டம் வென்ற கொல்கத்தா அணிக்கு வெற்றிக் கோப்பையுடன் 20 கோடி ரூபாய் பரிசு தொகை வழங்கப்பட்டது.
2. அடுத்ததாக ஃபைனல் வரை வந்து தோல்வியை சந்தித்த ஹைதராபாத் அணிக்கு ரன்னர்-அப் கோப்பையுடன் 12.5 கோடி பரிசு தொகை வழங்கப்பட்டது.
பரிசுத்தொகை பட்டியல்:
3. அதே போல பிளே ஆஃப் சுற்றுக்கு தகுதி பெற்று 3வது இடத்தைப் பிடித்து வெளியேறிய ராஜஸ்தான் அணிக்கு 7 கோடி ரூபாய் பரிசாக வழங்கப்பட்டது. மறுபுறம் எலிமினேட்டர் போட்டியுடன் வெளியேறிய ராயல் சேலஞ்சர்ஸ் பெங்களூரு அணிக்கு 6.5 கோடி பரிசு தொகையாக கொடுக்கப்பட்டது.
4. அடுத்ததாக அதிக ரன்கள் குவித்து ஆரஞ்சு தொப்பியை வென்ற பெங்களூரு வீரர் விராட் கோலிக்கு ஆரஞ்சு தொப்பியுடன் 10 லட்சம் பரிசு கொடுக்கப்பட்டது.
5. அதே போல பஞ்சாப் அணியில் பந்து வீச்சில் சிறப்பாக விளையாடி 24 விக்கெட்டுகள் எடுத்து ஊதா தொப்பியை வென்ற ஹர்ஷல் பட்டேலுக்கு ஊதா தொப்பியுடன் 10 லட்சம் பரிசு கொடுக்கப்பட்டது.
6. இந்த வருடம் ஹைதராபாத் அணியில் சிறந்து விளங்கிய இளம் வீரர் நித்திஷ் ரெட்டி வளர்ந்து வரும் வீரர் என்ற விருதை வென்றார். அவருக்கு அதற்கான கோப்பையுடன் 20 லட்சம் பரிசுத்தொகை வழங்கப்பட்டது
7. அதைத்தொடர்ந்து 488 ரன்கள் அடித்து 18 விக்கெட்டுகள் சாய்த்து தொடர்நாயகன் விருது பெற்ற கொல்கத்தா அணியின் சுனில் நரேனுக்கு அதற்கான கோப்பையுடன் 12 லட்சம் பரிசுத் தொகை வழங்கப்பட்டது. அதே போல ஃபைனலில் ஆட்டநாயகன் விருது வென்ற மிட்சேல் ஸ்டார்க்கிற்கு அதற்கான கோப்பையுடன் 10 லட்சம் வழங்கப்பட்டது. இந்த வருடம் ஹைதராபாத் வீரர் அபிஷேக் ஷர்மா அதிக சிக்ஸர்கள் மற்றும் டிராவிஸ் ஹெட் அதிக பவுண்டரிகள் அடித்தனர்.
இதையும் படிங்க: தல தோனியின் மாபெரும் சாதனையை சமன் செய்ய தவறிய பேட் கம்மின்ஸ் – விவரம் இதோ
8. மேலும் டெல்லிக்காக விளையாடிய ஜேக் பிரேசர்-மெக்குர்க் அதிக ஸ்ட்ரைக் ரேட்டில் (234.04) பேட்டிங் செய்தார். கொல்கத்தா அணியின் ரமந்திப் சிங் சிறந்த கேட்ச் பிடித்தார். இந்த வீரர்களுக்கு தலா 10 லட்சம் பரிசுத்தொகை வழங்கப்பட்டது. இறுதியாக ஃபேர் பிளே விருதை வென்ற ஹைதராபாத் அணிக்கு 10 லட்சம் பரிசு கொடுக்கப்பட்டது. அத்துடன் ஹைதெராபாத் மைதானம் சிறந்த பிட்ச் மற்றும் மைதானத்துக்கான ஸ்பெஷல் விருதை வென்றது.
