டி20 கிரிக்கெட் என்றாலே எல்லோருக்கும் சட்டென மனதில் தோன்றும் ஒரு வீரரின் பெயர் என்றால் அது கிறிஸ் கெயில் தான்.தனக்கென ஒரு தனி இலக்கனத்தை வகுத்து அனைவரையும் தன் ஆட்டத்தின் மூலம் கட்டி போட்டு உட்காந்து பார்க்க வைக்கும் திறமைசாலி ஆவார்.சமீபத்தில் ஈஎஸ்பிஎன் கிரிகின்ஃபோ வலைதளத்தில் கேட்கப்பட்ட பிரபலமான 25 கேள்விகளுக்கு கெயில் பதிலளித்துள்ளார்.
அதில் உங்களுக்கு எந்த ஸ்டேடியம் ரொம்ப பிடிக்கும் என்கிற கேள்விக்கு எனக்கு பெங்களூரில் உள்ள சின்னசாமி ஸ்டேடியம் தான் மிகவும் பிடிக்கும் என்றும் அங்கு சிக்ஸர்களை அடிக்க எனக்கு ரொம்ப பிடிக்கும் எனாறும் பதிலளித்தார். உலகக் கோப்பை பற்றி பேச்செடுத்த பொழுது , மேற்கிந்திய தீவுகளுக்காக இன்னும் இரண்டு உலகக் கோப்பைகளில் பங்கேற்க விரும்புகிறேன் என்று கூறினார்.
மேலும் டி20 லெவன் போட்டியில் உங்களுக்கு வீரர்களை தேர்ந்தெடுக்கும் உரிமை வழங்கப்பட்டால் முதலில் எந்த மூன்று வீரர்களை நீங்கள் தேர்ந்தெடுப்பீர்கள் என்று கேட்கப்பட்ட கேள்விக்கு நிக்கோலஸ் பூரன், ஆண்ட்ரே ரஸ்ஸல் மற்றும் ரோஹித் சர்மா ஆகியோரையே நான் முதலில் தேர்ந்தெடுப்பேன் என்று பதில் கூறினார்.
மேற்கிந்தியத் தீவுகளுக்காக 24 சர்வதேச டி20ஐ போட்டிகளில் நிக்கோலஸ் பூரன் விளையாடியுள்ளார். மொத்தமாக 361 ரன்களை 124.91 ஸ்ட்ரைக் ரேட் விகிதத்தில் எடுத்துள்ளார். ஐபிஎல் தொடரில் 20 போட்டிகளில் ஆடி மொத்தமாக 521 ரன்களை 165.4 ஸ்ட்ரைக் ரேட் விகிதத்தில் எடுத்துள்ளார். அதேபோன்று டி20 போட்டிகளுல் தலை சிறந்த ஆல்ரவுண்டரான வீரர்களில் முக்கியமானவராக விளங்கும் ஆண்ட்ரே ரஸ்ஸல் தனது நாட்டிற்காக 41|டி20 போட்டிகளில் ஆட 540 ரன்களை 151.26 ஸ்ட்ரைக் விகிதத்தில் எடுத்துள்ளார்.
ஐ.பி.எல்லில் 61 போட்டிகளில1517 ரன்களை 182.33 ஸ்ட்ரைக் ரேட் விகிதத்தில் எடுத்துள்ளார். மேலும் தனது சிறப்பான பந்து வீச்சால் 61 விக்கெட்டுகளையும் வீழ்த்தியுள்ளார். மேலும் இந்திய வீரரான ரோஹித் சர்மா 100 டி20ஐ போட்டிகளில் ஆடி 2773 ரன்களை 138.79 ஸ்ட்ரைக் ரேட் விகிதத்தில் குவித்துள்ளார். டி20 ஐ கிரிக்கெட் வரலாற்றில் 4 சதங்களை அடித்த ஒரே பேட்ஸ்மேனும் ரோஹித் சர்மா தான். ஐபிஎல் கிரிக்கெட்டில் 195 போட்டிகளில் ஆடி 5230 ரன்களை 130.62 என்கிற ஸ்ட்ரைக் ரேட் விகிதத்தில் குவித்துள்ளார்.
