நேற்று இரவு 8 மணிக்கு பெங்களூரு சின்னசாமி மைதானத்தில் ஐ.பி.எல் தொடரின் 7 ஆவது போட்டி மும்பை இந்தியன்ஸ் அணிக்கும், பெங்களூரு அணிக்கு இடையே நடைபெற்றது. இந்த போட்டியில் டாஸ் வென்ற பெங்களூரு அணி முதலில் பந்துவீச்சினை தேர்வு செய்தது. அதன்படி முதலில் ஆடிய மும்பை அணி 20 ஓவர்கள் முடிவில் 8 விக்கெட் இழப்பிற்கு 187 ரன்களை குவித்தது. மும்பை அணி சார்பாக ரோஹித் சர்மா 48 ரன்களை குவித்தார். ஹார்டிக் பாண்டியா 14 பந்துகளில் 32 ரன்களை குவித்தார்.
பிறகு ஆடிய பெங்களூரு அணிக்கு 188 ரன்கள் இலக்காக நிர்ணையிக்கப்பட்டது. அதன்படி தெடர்ந்து ஆடிய பெங்களூரு அணி 181 ரன்களை குவித்து 6 ரன்கள் வித்தியாசத்தில் தோல்வியை தழுவியது. டிவில்லியர்ஸ் 41 பந்தில் 70 ரன்கள் குவித்து இறுதி வரை ஆட்டமிழக்காமல் இருந்தார். மும்பை அணி சார்பில் பும்ரா 4 ஓவர்கள் வீசி 20 ரன்களை மட்டும் விட்டுக்கொடுத்து 3 விக்கெட்டுகளை கைப்பற்றி ஆட்டநாயகன் விருதினை பெற்றார்.
போட்டிக்கு பிறகு பேசிய ஆட்டநாயகன் பும்ரா பேசியதாவது : ஒவ்வொரு பந்தினையும் கட்டுபாட்டுடன் பந்துவீச நினைத்தால் அது முடியாது. முதலில் நாம் சூழ்நிலைக்கு ஏற்றவாறு மாற வேண்டும் அப்போதுதான் சிறப்பாக பந்துவீச முடியும். இன்று என்னயுடைய திட்டம் நான் சரியான ஏரியாவில் பந்துவீசி பேட்ஸ்மேன்களுக்கு அழுத்தம் தருவதே.
அதனை இன்று நான் சிறப்பாக செய்ததால் விக்கெட்டுகளை வீழ்த்தமுடிந்தது. இன்று என்னுடைய திட்டத்தின்படி நான் சரியாக பந்துவீசியதாக கருதுகிறேன். துல்லியமான பந்துவீச்சுக்கு உடல் தகுதியும் முக்கியம். நான் என்னுடைய உடல் விடயத்தில் கவனமாக உள்ளேன் என்று பும்ரா தெரிவித்தார்.
