பிசிசிஐ ஒவ்வொரு ஆண்டும் அதனுடைய காண்ட்ராக்ட் வீரர்களின் பட்டியலை வெளியிடும். அப்படியே சென்ற ஆண்டு அக்டோபர் மாதம் முதல் இந்த ஆண்டு செப்டம்பர் மாதம் வரையிலான ( அக்டோபர் 2020 – செப்டம்பர் 2021) வீரர்களின் பட்டியலை பிசிசிஐ தற்பொழுது வெளியிட்டுள்ளது.
இந்த காண்ட்ராக்ட் நான்கு விதமாக பிரிக்கப்படும். கிரேடு A+ கீழ் விளையாடும் வீரர்களின் ஆண்டு வருமானம் ரூபாய் 7 கோடி ஆகும். கிரேடு A கீழ் விளையாடும் வீரர்களின் ஆண்டு வருமானம் ரூபாய் 5 கோடி ஆகும். கிரேடு B கீழ் விளையாடும் வீரர்களின் ஆண்டு வருமானம் ரூபாய் மூன்று கோடி ஆகும். கடைசி கிரேடான கிரேடு C கீழ் விளையாடும் வீரர்களின் ஆண்டு வருமானம் ரூபாய் ஒரு கோடி ஆகும்.
இந்த ஆண்டு பிசிசிஐ வெளியிட்ட காண்ட்ராக்டில் புதிதாக மூன்று வீரர்கள் இணைந்து உள்ளனர், அவர்களில் அக்சர் பட்டேல், சுப்மன் கில் மற்றும் முகமது சிராஜ் ஆகும். இவர்கள் மூவரும் கிரேடு C வீரர்கள் பட்டியலில் இணைக்கப்பட்டுள்ளனர்.மணிஷ் பாண்டே மற்றும் கேதர் ஜாதவ் ஆகிய இருவரும் காண்ட்ராக்டில் இருந்து நீக்கப்பட்டனர்.
ஹர்திக் பாண்டியா கிரேடு B யிலிருந்து கிரேடு A வீரர்கள் பட்டியலுக்கு முன்னேறியுள்ளார். அதேபோல ஷர்துள் தாக்கூர் கிரேட் C யிலிருந்து கிரேடு B வீரர்கள் பட்டியலுக்கு முன்னேறி உள்ளார். மறுபக்கம் புவனேஷ்வர் குமார் கிரேடு A வீரர்கள் பட்டியலில் இருந்து கிரேடு B வீரர்கள் பட்டியலுக்கு சென்றுள்ளார். அதேபோல சஹால் கிரேடு B வீரர்கள் பட்டியலில் இருந்து கிரேடு C பட்டியலுக்கு சென்றுள்ளார். குல்தீப் யாதவ் கிரேடு A பட்டியலிலிருந்து கிரேடு C வீரர்கள் பட்டியலுக்கு பின்தங்கியுள்ளார்.
கிரேடு A+ வீரர்கள்
விராட் கோலி, ரோகித் சர்மா மற்றும் ஜஸ்பிரித் பும்ரா
கிரேடு A வீரர்கள்
ரவிச்சந்திரன் அஸ்வின், ரவீந்திர ஜடேஜா, புஜாரா, அஜிங்கிய ரஹானே, ஷிகர் தவான், கே எல் ராகுல், முகமது ஷமி, இஷாந்த் சர்மா, ரிஷப் பண்ட் மற்றும் ஹர்திக் பாண்டியா
கிரேடு B வீரர்கள்
விருத்திமான் சஹா, உமேஷ் யாதவ், புவனேஷ்வர் குமார், ஷர்துல் தாகூர் மற்றும் மயங்க் அகர்வால்
கிரேடு C வீரர்கள்
குல்தீப் யாதவ், சைனி, தீபக் சஹர், சுப்மன் கில், ஹனுமன விஹாரி, அக்சர் பட்டேல், ஸ்ரேயாஸ் இயர், வாஷிங்டன் சுந்தர், சஹால் மற்றும் முகமது சிராஜ்
இந்நிலையில் இந்த பிசிசிஐயின் கான்ட்ராக்ட் லிஸ்டில் ரவிந்திர ஜடேஜா ஏ பிரிவில் இடம்பெற்றுள்ளது குறித்து இங்கிலாந்து அணியின் முன்னாள் கேப்டனான மைக்கேல் கடுமையாக விமர்சித்துள்ளார். இது குறித்து அவர் வெளியிட்டுள்ள டுவிட்டர் பதிவில் : ஜடேஜாவுக்கு (ஏ ப்ளஸ்) பிரிவில் இடம் வழங்காதது அவமானம் என்று அவர் தெரிவித்துள்ளார். கோலி ரோகித், பும்ரா ஆகியோர் இடம்பெற்றுள்ளனர். அந்த வகையில் இந்திய அணியின் மூன்று வகையான அணியிலும் முக்கிய வீரராக விளையாடி வரும் ஜடேஜாவுக்கு ஏ ப்ளஸ் பிரிவு வழங்கப்பட்டிருக்க வேண்டும் என்றும் அவர் தனது கருத்தினை பகிர்ந்து உள்ளது குறிப்பிடத்தக்கது.
