அஷ்வின் ஒதுக்கப்படுவதற்கும், ஜடேஜாவிற்கு வாய்ப்பு கிடைப்பதற்கும் இதுவே காரணம் – ஜாஹீர் கான் வெளிப்படை

Zaheer
- Advertisement -

இந்தியா மற்றும் இங்கிலாந்து அணிகளுக்கு இடையிலான முதலாவது டெஸ்ட் போட்டியில் அஸ்வின் விளையாடவில்லை என்றும் ஜடேஜா தான் விளையாடுகிறார் என்று தெரிந்ததும் பல ரசிகர்களுக்கு அதை ஷாக்காக அமைந்தது. அதுமட்டுமின்றி கோலியின் இந்த முடிவு குறித்து பல விமர்சனங்கள் எழுந்துள்ளன. அதுமட்டுமின்றி வேகப்பந்துவீச்சாளர் இஷாந்த் சர்மாவிற்கு பதிலாக சிராஜ் மற்றும் ஷர்துல் தாகூர் ஆகியோரையும் கோலி தேர்வு செய்திருந்தார். கோலியின் இந்த முடிவுகள் விமர்சனத்தை பெற்று இருந்தாலும் தற்போது முதல் டெஸ்டில் இந்திய அணி வெற்றி பெறும் அளவிற்கு நல்ல நிலையில் வந்து முடிந்துள்ளன.

Kohli

இந்நிலையில் அஸ்வின் கடந்த ஒன்றரை ஆண்டுகளாக சிறப்பான பந்துவீச்சை வெளிப்படுத்தி வந்திருந்த போதும் அவர் அணியில் இருந்து நீக்கப்பட்டது பெரும் சர்ச்சையை கிளப்பியது. மேலும் அவருக்கு பதிலாக ஜடேஜாவுக்கு வாய்ப்பு கிடைத்தது அனைவரையும் ஆச்சரியப்படுத்தியது. ஆனால் இப்படி இன்னல்களை எல்லாம் மீறி வாய்ப்பு பெற்ற ஜடேஜா முதல் இன்னிங்சில் 3 ஓவர்கள் மட்டுமே வீசினாலும் பேட்டிங்கில் சிறப்பாக செயல்பட்டு 86 பந்துகளில் 56 ரன்கள் குவித்து தனது சேர்க்கையை நியாயப்படுத்தினார்.

- Advertisement -

இந்நிலையில் தற்போது அஸ்வினுக்கு பதிலாக ஜடேஜா சேர்க்கப்பட்டது குறித்து இந்திய அணியின் முன்னாள் வீரர் ஜாஹீர் கான் தனது கருத்தினை வெளிப்படுத்தியுள்ளார். இதுகுறித்து அவர் கூறுகையில் : நாம் எப்போது ஜடேஜாவை பற்றி பேசும்போதும் ஒரு விடயத்தை மறந்து விடுகிறோம் ஜடேஜாவிடம் நல்ல பேட்டிங் திறமை இருக்கிறது. என்னை பொருத்தவரை அஸ்வினை விட ஜடேஜாவிடம் நல்ல பேட்டிங் எபிலிட்டி (திறன்) இருப்பதனால்தான் அவருக்கு இடம் கிடைக்கிறது.

Jadeja

முதல் இன்னிங்சில் அவர் 3 ஓவர்கள் மட்டுமே வீசி இருந்தாலும் பேட்டிங்கில் தனது வேலையை சரியாக செய்துள்ளார். இந்த மைதானத்தில் சுழற்பந்து எடுபடவில்லை என்ற காரணத்திற்காகவே அவருக்கு ஓவர்கள் கொடுக்கப்படவில்லை. மேலும் ஜடேஜா ஒன்றும் டெஸ்ட் போட்டிகளுக்கு புதிதாக வந்த வீரர் கிடையாது. அவர் 50 போட்டிகளுக்கு மேல் விளையாடி உள்ளார். இதனால் அவரது அனுபவத்தை நாம் மதிக்க வேண்டும்.

jadeja 2

மேலும் ஜடேஜா 53 ஆவது டெஸ்ட் போட்டியில் விளையாடி வரும் வேளையில் அவரது பேட்டிங் மற்றும் பௌலிங் ஆகவே சிறப்பாகவே உள்ளது. டெஸ்ட் கிரிக்கெட்டில் 2000 ரன்கள் குவித்தது மட்டுமின்றி 200 விக்கெட்டுகளையும் அவர் வீழ்த்தியுள்ளார். இந்தியாவில் மட்டும் அவர் பேட்டிங் செய்யவில்லை வெளிநாடுகளிலும் அவரது பேட்டிங் சிறப்பாக இருக்கிறது. அதனால்தான் அவர் அஸ்வினுக்கு முன்னதாக அயல்நாட்டு டெஸ்ட் போட்டிகளில் இடம் பெற்று வருகிறார் என தெளிவான விளக்கத்தை ஜாஹீர் கான் கொடுத்துள்ளது குறிப்பிடத்தக்கது.

Advertisement