இங்கிலாந்து அணி வெளியேற வேண்டும் என்பதற்காக ஒன்னும் நாங்க அப்படி விளையாட மாட்டோம் – கம்மின்ஸ் கொடுத்த விளக்கம்

அமெரிக்கா மற்றும் வெஸ்ட் இண்டீஸ் நாடுகளில் நடைபெற்ற வரும் டி20 உலக கோப்பை கிரிக்கெட் தொடரானது தற்போது விறுவிறுப்பாக நடைபெற்று வருகிறது. மொத்தம் 20 அணிகள் நான்கு பிரிவுகளாக பிரிக்கப்பட்ட வேளையில் தென் ஆப்பிரிக்கா, ஆஸ்திரேலியா, இந்தியா, ஆப்கானிஸ்தான், வெஸ்ட் இண்டீஸ் மற்றும் அமெரிக்கா ஆகிய ஆறு அணிகள் சூப்பர் 8 சுற்றுக்கு தகுதிக்கு பெற்றுவிட்டன.

அதனை தொடர்ந்து எஞ்சியுள்ள இரண்டு இடங்களுக்கு ஸ்காட்லாந்து, இங்கிலாந்து, வங்கதேசம் மற்றும் நெதர்லாந்து ஆகிய நான்கு அணிகளுக்கு இடையே மோதல் இருந்து வருகிறது. இந்நிலையில் இந்த டி20 உலக கோப்பை தொடரில் பலம் வாய்ந்த அணி பார்க்கப்படும் இங்கிலாந்து அணியானது அடுத்த சுற்றுக்கு முன்னேற கடும் சவாலை எதிர்கொண்டு வருகிறது.

குறிப்பாக இங்கிலாந்து அணி சூப்பர் 8 சுற்றுக்கு முன்னேற வேண்டுமெனில் தங்களது கடைசி போட்டியில் நமீபியா அணிக்கு எதிராக வெற்றி பெற வேண்டும். அதோடு ஆஸ்திரேலியா அணி ஸ்காட்லாந்து அணியை வீழ்த்த வேண்டும் இந்த இரண்டும் நடந்தால் அந்த அணி சூப்பர் 8 சுற்றுக்கு முன்னேறும்.

ஆனால் இந்த ஸ்காட்லாந்து அணிக்கு எதிரான போட்டிக்கு முன்னதாக பேசிய ஆஸ்திரேலியா அணியின் வீரர் ஜோஷ் ஹேசல்வுட் கூறுகையில் : இங்கிலாந்து அணி வெளியேற வேண்டும் என்பதையே ஆஸ்திரேலிய அணி விரும்பும். எனவே ஸ்காட்லாந்து அணிக்கு எதிரான போட்டியின் போது ஆஸ்திரேலியா அணி மெதுவாக விளையாட விரும்பும். மற்ற அணிகளும் அதையே தான் விரும்புவார்கள் என்று ஒரு சர்ச்சையான கருத்தை தெரிவித்திருந்தார்.

அதாவது ஆஸ்திரேலியா வேண்டுமென்றே ஸ்காட்லாந்து அணியிடம் தோல்வியை சந்திக்கும் பட்சத்தில் இங்கிலாந்து வெளியேறும் என்பதால் அவர் இவ்வாறு கூறியிருந்தார். இந்நிலையில் இந்த கருத்து குறித்து பேசியிருந்த மற்றொரு ஆஸ்திரேலிய முன்னணி வீரரான பேட் கம்மின்ஸ் கூறுகையில் : அவரது இந்த கருத்து குறித்து நான் அவரிடமே பேசினேன். ஆனால் அவர் நகைச்சுவையாகவே அந்த கருத்தை கூறியதாக தெரிவித்திருந்தார்.

இதையும் படிங்க : வெறும் 1 ரன்.. வெற்றியை நழுவவிட்டு அழுத நேபாள்.. த்ரில்லர் வெற்றியால் தெ.ஆ உலக சாதனை

இந்த விடயம் தற்போது பேசும் பொருளாக மாறியுள்ளது. நாங்கள் எப்போதுமே எந்த அணிக்கு எதிராகவும் விருப்பமின்றி விளையாட மாட்டோம். ஸ்காட்லாந்து அணிக்கெதிரான போட்டியில் எங்களுடைய முழு முயற்சியையும் வெளிப்படுத்தி வெற்றி பெறவே முயற்சிப்போமே தவிர அந்த போட்டியை எளிதாக நினைத்து விளையாட மாட்டோம் என கம்மின்ஸ் கூறியது குறிப்பிடத்தக்கது.