இந்தியா மற்றும் ஆஸ்திரேலிய அணிகளுக்கு இடையேயான மூன்று போட்டிகள் கொண்ட ஒருநாள் தொடர் நடைபெற்று முடிந்தது. அந்த தொடரில் ஆஸ்திரேலிய அணி 2 – 1 என்ற கணக்கில் தொடரை கைப்பற்றி இருந்தது. அதனை தொடர்ந்து தற்போது இவ்விரு அணிகளுக்கும் இடையேயான மூன்று போட்டிகள் கொண்ட டி 20 தொடர் தற்போது நடைபெற்று வருகிறது. இந்த தொடரின் முதல் டி20 போட்டியில் நேற்று கான்பரா மைதானத்தில் நடைபெற்றது. இந்த போட்டியில் முதலில் டாஸ் வென்ற ஆஸ்திரேலிய அணியின் கேப்டன் பின்ச் முதலில் பந்து வீச தீர்மானம் செய்தார்.
அதன்படி முதலில் பேட்டிங் செய்த இந்திய அணி 20 ஓவர்கள் முடிவில் 8 விக்கெட்டுகளை இழந்து 161 ரன்களை குவித்தது. அதிகபட்சமாக தொடக்க வீரர் ராகுல் 51 ரன்களையும், இறுதி நேரத்தில் அதிரடி காட்டிய ஜடேஜா 23 பந்துகளில் 44 ரன்கள் குவித்தும் அசத்தினர். மொத்தத்தில் இந்திய அணி 20 ஓவர்களில் 7 விக்கெட்டுகளை இழந்து 161 ரன்களை குவித்தது. அதன்பின்னர் 162 ரன்கள் எடுத்தால் வெற்றி என்ற இலக்குடன் விளையாடிய ஆஸ்திரேலிய அணி 20 ஓவர்கள் முடிவில் 7 விக்கெட்டுகள் இழந்து 150 ரன்களை மட்டுமே எடுத்தது.
இதனால் 11 ரன்கள் வித்தியாசத்தில் இந்திய அணி வெற்றி பெற்றது. ஆஸ்திரேலிய அணி சார்பாக துவக்க வீரர் பின்ச் மற்றும் ஷார்ட் ஆகியோர் முறையே 35, 34 ரன்கள் அடித்தன.ர் இந்திய அணி சார்பாக சிறப்பாக பந்து வீசிய தமிழக வீரர் நடராஜன் 4 ஓவர்கள் வீசி 30 ரன்களை விட்டுக்கொடுத்து 3 விக்கெட்டுகளை வீழ்த்தி அசத்தினார். அதேபோன்று ஜடேஜாவுக்கு பதிலாக பந்துவீசிய சாஹல் 4 ஓவர்கள் பந்துவீசி 25 ரன்கள் விட்டுக்கொடுத்து 3 விக்கெட்டுகளை வீழ்த்தி அசத்தினார். டி20 தொடரில் இந்திய அணி பெற்ற இந்த வெற்றியின் மூலம் 1-0 என்ற கணக்கில் முன்னிலையில் உள்ளது.
இந்நிலையில் போட்டி முடிந்து வெற்றி குறித்து பேசிய இந்திய அணியின் கேப்டன் விராட் கோலி கூறுகையில் : சாஹல் இந்த போட்டியில் விளையாடுவார் என்ற திட்டம் எங்களிடம் எதுவும் இல்லை. ஜடேஜாவிற்கு ஏற்பட்ட கன்கஷன் காரணமாக அவர் இன்று மாற்று வீரராக விளையாடினார். அந்த ஒரு விடயம் மாற்றத்தை ஏற்படுத்தி விட்டது. சாஹல் தனது சிறப்பான பந்துவீச்சை ஆஸ்திரேலிய அணிக்கு எதிராக காண்பித்து விட்டார். இந்த வெற்றியுடன் நல்ல தொடக்கத்தை பெற்றுள்ளதாக நினைக்கிறேன். கிரிக்கெட்டில் இது போன்று பேட்ஸ்மேன்கள் ஆட்டம் இழப்பது எதிர்பார்த்த ஒன்றுதான்.
ஆஸ்திரேலியா போன்ற மைதானங்களில் இறுதிவரை நாம் மும்முரமாக விளையாட வேண்டும் அவர்கள் கடைசி போட்டியில் சிறப்பாக பேட்டிங் செய்திருந்தார்கள். நடராஜன் நிறையவே தனது பவுலிங்கில் இன்று முன்னேற்றம் செய்துள்ளார். சாஹரும் சிறப்பாக பவுலிங் செய்தார். இந்த போட்டியில் சாஹல் எங்கள் அணியை மீண்டும் வெற்றிக்கு கொண்டுவந்துள்ளார். ஹார்டிக் பாண்டியா பிடித்த கேட்சும் ஆட்டத்தின் ஒரு திருப்புமுனையாக அமைந்தது என கோலி கூறியது குறிப்பிடத்தக்கது.
