இந்தியா மற்றும் நியூசிலாந்து அணிகளுக்கு இடையிலான முதலாவது டெஸ்ட் போட்டி கடந்த 21 ஆம் தேதி வெலிங்டன் நகரில் துவங்கியது. அந்த போட்டியின் நான்காம் நாளான இன்று இந்த ஆட்டம் நிறைவுக்கு வந்துள்ளது. இந்த ஆட்டத்தில் நியூசிலாந்து அணி 10 விக்கெட் வித்தியாசத்தில் இந்திய அணியை வீழ்த்தி அபார வெற்றி பெற்றது.
இந்நிலையில் இந்த தோல்வி குறித்து பேசிய இந்திய அணியின் கேப்டன் விராட் கோலி கூறியதாவது : டாஸ் ஒரு மிகப்பெரிய திருப்புமுனையாக அமைந்தது . ஆனால் ஒரு பேட்டிங் யூனிட்டாக எவ்வளவு ஆட முடியுமோ அவ்வளவு சரியாக நாங்கள் ஆடவில்லை. எதிரணி பந்துவீச்சாளர்களுக்கு சரியான அழுத்தம் கொடுக்காமல் விட்டுவிட்டோம்.
முதல் இன்னிங்சில் 230 ரன்கள் எடுத்திருந்தால் இன்னும் வித்தியாசமாக இருந்திருக்கும் . சில விக்கெட்டுகளை எளிதாக கொடுத்துவிட்டோம். முதல் இன்னிங்சின் போது எதிரணிக்கு அழுத்தம் கொடுக்கும் வகையில் நாம் எடுக்கும் ரன்கள்தான் ஆட்டத்தின் வெற்றியை தீர்மானிக்கும். அதிலும் வெளிநாட்டு டெஸ்ட் தொடர்களில் முதல் இன்னிங்ஸ் ரன்கள் பெரிய வித்தியாசத்தை ஏற்படுத்தும்.
பந்துவீச்சு யூனிட் நன்றாக இருக்கிறது. முதல் இன்னிங்சின் போது 7 விக்கெட்டுகள் வரை நன்றாகவே வீசினோம் . ஆனால் கடைசி 3 விக்கெட்டுக்கு 120 ரன்கள் சேர்த்து விட்டார்கள் . அதுவே எங்கள் தோல்விக்கு காரணம். நன்றாகத்தான் ஆடுகிறோம். இன்னும் சற்று ஒழுக்கம் தேவை அசுத்த போட்டியில் தோல்வியின் பிடியில் இருந்து மீண்டு வருவோம் என்று கோலி கூறியது குறிப்பிடத்தக்கது.
