இந்திய அணியின் முன்னாள் கேப்டனும், உலக கோப்பையை இந்திய அணிக்காக முதல் முறையாக வென்று கொடுத்தவருமான கபில்தேவ் டெல்லி மருத்துவமனையில் மாரடைப்பு காரணமாக அனுமதிக்கப்பட்டார் என்ற செய்தி நேற்று முன்தினம் வெளியானது. இந்த செய்தி ரசிகர்களிடையே மிகவும் அதிர்ச்சியையும் ஏற்படுத்தியது.
61 வயதான கபில்தேவ் இந்திய அணிக்காக 1978 ஆம் ஆண்டு அறிமுகமாகி 1994ஆம் ஆண்டு வரை கிட்டத்தட்ட 16 ஆண்டுகள் இந்திய அணிக்காக விளையாடி உள்ளார். மொத்தமாக 131 டெஸ்ட் போட்டிகளிலும் 225 ஒருநாள் போட்டிகளிலும் விளையாடியுள்ளார். 1983 ஆம் ஆண்டு இவரது தலைமையில் இந்திய அணி பலம்வாய்ந்த மே.இ தீவுகளை வீழ்த்தி உலககோப்பையை வென்றது குறிப்பிடத்தக்கது.
இவர் இந்திய அணியின் சிறப்பான ஆல்ரவுண்டர் என்று அனைவராலும் பாராட்டப்பட்டவர் கபில் தேவ். இந்நிலையில் 61 வயதாகும் அவருக்கு நேற்று முன்தினம் திடீரென மாரடைப்பு ஏற்பட்டு உள்ளது. இதன் காரணமாக அவர் டெல்லியில் உள்ள தனியார் மருத்துவமனையில் அனுமதிக்கப்பட்டுள்ளார் என்ற செய்தி நாம் அறிந்ததே.
இந்த விடயம் நாடு முழுவதும் காட்டு தீ போல பரவ இந்தியா முழுவதும் இருந்து ரசிகர்கள் அவருக்கு நலம் பெற வேண்டி சிறப்பு வழிபாடுகளை செய்து வருகின்றனர். இந்நிலையில் அவருக்கு எந்த வகையான சிகிச்சை அளிக்கப்படுகிறது என்பது குறித்த தகவல் வெளியாகியுள்ளது. அதன்படி அவருக்கு ஆஞ்சியோபிளாஸ்டி செய்யப்பட்டது.
இந்நிலையில் தற்போது அவருக்கு ஆஞ்சியோ பிளாஸ்டி சிகிச்சைக்கு பிறகு அவரது உடல் நிலை சீராக உள்ளது என்ற தகவல் வெளியாகி உள்ளது. மேலும் இருதயத்திற்கு செல்லும் ரத்தக் குழாய்களில் உள்ள அடைப்பை நீக்கி உள்ள மருத்துவர்கள் அவருக்கு சிறப்பான உயர் சிகிச்சை அளித்துள்ளனர்.
இதன் விளைவாக தீவிர சிகிச்சை பிரிவில் இருந்து தற்போது கபில்தேவ் உடல்நிலை கண்காணிக்கப்பட்டு வருகிறது. தற்போது கபில்தேவ் மருத்துவமனையில் நலமுடன் இருப்பதாகவும் தானே கையை உயர்த்தி புன்னகையுடன் இருக்கும் ஒரு புகைப்படத்தையும் கபில்தேவ் வெளியிட்டுள்ளது குறிப்பிடத்தக்கது.
இந்நிலையில் தற்போது முழுஉடல்நலம் பெற்ற கபில் தேவ் இன்று மருத்துவர்களின் அறிவுரைப்படி டிஸ்சார்ஜ் செய்யப்பட்டதாக அதிகாரபூர்வ தகவல் வெளியாகியுள்ளது. அவர் டிஸ்சார்ஜ் ஆகும்போது அவருடன் மருத்துவர் அதுல் மாத்தூருடன் இருக்கும் ஒரு புகைப்படமும் தற்போது இணையத்தில் வைரலாகி வருவது குறிப்பிடத்தக்கது.
