இங்கிலாந்துக்கு எதிராக அதன் சொந்த மண்ணில் ஜூலை 9-ஆம் தேதியான நேற்று நடைபெற்ற 2-வது டி20 போட்டியில் முதலில் பேட்டிங் செய்த இந்தியா நிர்ணயிக்கப்பட்ட 20 ஓவரில் போராடி 170/8 ரன்கள் சேர்த்தது. இந்தியாவுக்கு முதல் முறையாக ஓபனிங் ஜோடியாக களமிறங்கிய கேப்டன் ரோகித் சர்மா மற்றும் ரிஷப் பண்ட் ஆகியோர் 49 ரன்கள் பார்ட்னர்ஷிப் அமைத்து அதிரடி காட்டிய நிலையில் 3 பவுண்டரி 2 சிக்சருடன் ரோகித் சர்மா 31 (20) ரன்களில் அவுட்டானார். அடுத்ததாக வந்த விராட் கோலி 1 (3) ரன்னில் அவுட்டாகி மீண்டும் ஏமாற்ற அடுத்த பந்திலேயே 4 பவுண்டரி 1 சிக்சருடன் ரிஷப் பண்ட்டும் 26 (15) ரன்களில் அவுட்டானார்.
அதனால் 61/3 என தடுமாற்ற தொடக்கத்தைப் பெற்ற இந்தியாவை காப்பாற்றுவார்கள் என எதிர்பார்க்கப்பட்ட சூர்யகுமார் யாதவ் 15 (11) ரன்களிலும் ஹர்திக் பாண்டியா 12 (15) ரன்களிலும் 10-வது ஓவரின் அடுத்தடுத்த பந்துகளில் அவுட்டாகி அதிர்ச்சி கொடுத்தனர். அதனால் ஏற்பட்ட சரிவை சரிசெய்ய பொறுமையாக பேட்டிங் செய்த தினேஷ் கார்த்திக்கும் 12 (17) ரன்களில் அவுட்டானதால் 89/5 என சரிந்த இந்தியா 150 ரன்களை தாண்டாது என ரசிகர்கள் கவலையடைந்தனர்.
இந்தியா மிரட்டல்:
அப்போது ஹர்ஷல் படேல் முக்கியமான 13 (6) ரன்கள் எடுக்க மறுபுறம் கடைசி வரை அவுட்டாகாமல் போராடிய ரவிந்திர ஜடேஜா 5 பவுண்டரியுடன் 46* (29) ரன்கள் எடுத்து காப்பாற்றினார். இங்கிலாந்து சார்பில் பந்துவீச்சில் அதிகபட்சமாக கிரிஸ் ஜோர்டன் 4 விக்கெட்டுகள் எடுத்தார். அதை தொடர்ந்து 171 என்ற இலக்கை துரத்திய இங்கிலாந்துக்கு மிரட்டலாக பந்துவீசிய இந்தியா ஆரம்பத்திலேயே மடக்கி பிடித்தது. ஏனெனில் இன்னிங்ஸ்சின் முதல் பந்திலேயே ஜேசன் ராயை கோல்டன் டக் அவுட்டாகிய புவனேஸ்வர் குமார் 3-வது ஓவரில் கேப்டன் பட்லரை 4 (5) ரன்களில் காலி செய்தார்.
அதனால் 11/2 என மோசமான தொடக்கத்தை பெற்ற இங்கிலாந்துக்கு லியம் லிவிங்ஸ்டன் 15 (9) ஹரி ப்ரூக் 8 (9) சாம் கரன் 2 (4) என முக்கிய பேட்ஸ்மேன்கள் மேலும் இந்தியாவின் தரமான பந்துவீச்சில் சொற்ப ரன்களில் நடையை கட்டினர். அதனால் 10.2 ஓவரில் 60/6 என மொத்தமாகத் சரிந்த இங்கிலாந்தை காப்பாற்ற முயன்ற மொயீன் அலி 3 பவுண்டரி 2 சிக்சருடன் 35 (21) ரன்களில் முக்கிய நேரத்தில் ஆட்டமிழக்க கடைசியில் டேவிட் வில்லி 33* (22) ரன்கள் எடுத்து போராடிய போதிலும் எதிர்ப்புறம் அந்த வீரர்கள் வந்த வாக்கிலேயே பெவிலியன் திரும்பினர்.
அதனால் அந்த அணியை 17 ஓவரில் 121 ரன்களுக்கு சுருட்டிய இந்தியா 49 ரன்கள் வித்தியாசத்தில் அபார வெற்றி பெற்றது. இந்தியா சார்பில் பந்துவீச்சில் அதிகபட்சமாக புவனேஸ்வர் குமார் 3 விக்கெட்டுகளும் ஜஸ்பிரித் பும்ரா 2 விக்கெட்டும் எடுத்தனர். இதனால் முதல் போட்டியில் ஏற்கனவே வென்றிருந்த இந்தியா 2 – 0* (3) என்ற கணக்கில் தொடரை கைப்பற்றி சமீபத்திய டெஸ்ட் போட்டியில் மெகா தோல்வியை பரிசளித்த இங்கிலாந்தை கேப்டன் ரோகித் சர்மா திரும்பியதுமே தக்க பதிலடி கொடுத்து பழி தீர்த்துள்ளது.
மிரட்டிய பும்ரா:
இப்போட்டியில் அனைவரும் வெற்றிக்கு முக்கிய பங்காற்றியிருந்தாலும் 3 விக்கெட்டுகள் எடுத்து ஆரம்பத்திலேயே இங்கிலாந்தை சாயத்தை புவனேஸ்வர் குமார் ஆட்டநாயகனாக அறிவிக்கப்பட்டார். அதேபோல் இந்தியாவின் நம்பிக்கை நட்சத்திர முதன்மை வேகப்பந்து வீச்சாளர் ஜஸ்பிரித் பும்ரா இப்போட்டியில் 3 ஓவரில் 10 ரன்களை மட்டும் கொடுத்து இங்கிலாந்தின் அதிரடி பேட்ஸ்மேன் லியம் லிவிங்ஸ்டனை கிளீன் போல்டாக்கி மிரட்டலாக பந்து வீசினார்.
குறிப்பாக புவனேஸ்வர் குமார் போன்ற இதர பவுலர்களை காட்டிலும் 3.33 என்ற மிகவும் குறைவான துல்லியமான எக்கனாமியில் பந்து வீசிய அவர் இப்போட்டியில் பந்துவீச்சு துறையில் அறிவிக்கப்படாத ஆட்டநாயகனாக செய்யப்பட்டார். கடந்த 2016இல் அறிமுகமாகி 2018 முதல் 3 வகையான அணியிலும் முதன்மை வேகப்பந்து வீச்சாளராக வலம் வரும் இவர் இதே பர்மிங்காம் மைதானத்தில் நடந்த சமீபத்திய டெஸ்ட் போட்டியில் ரோகித் சர்மா இல்லாத நிலைமையில் 2 இன்னிங்சிலும் சேர்த்து 5 விக்கெட்டுகளை வீழ்த்தி பேட்டிங்கில் ஒரே ஓவரில் 35 ரன்களை பறக்கவிட்டு முடிந்த அளவுக்கு கேப்டனாக வெற்றிக்காக போராடினார்.
இருப்பினும் இதர வீரர்கள் கைவிட்டதால் தோல்வியை பதிவு செய்த அவர் முதல் டி20 போட்டியில் பங்கேற்காத நிலையில் இந்த 2-வது போட்டியில் களமிறங்கியதுமே தாக்கத்தை ஏற்படுத்தி இந்தியாவின் வெற்றிக்கு பங்காற்றியுள்ளார். இப்போட்டியில் 3 ஓவரை வீசிய அவர் அதில் ஒரு ஓவர் மெய்டனாக வீசினார். மேலும் மொத்தமாக இதுவரை 58 போட்டிகளில் பங்கேற்றுள்ள அவர் 9 மெய்டன் ஓவர்களையும் வீசியுள்ளார்.
இதையும் படிங்க : பவர்பிளேவை தாண்டிட்டா இவரை விட ஒரு டேஞ்சர் பேட்ஸ்மேன் யாரும் கிடையாது – ஆட்டநாயகன் புவி ஓபன்டாக்
இதன் வாயிலாக சர்வதேச டி20 கிரிக்கெட்டில் அதிக மெய்டன் ஓவர்கள் வீசிய பவுலர் என்ற உலக சாதனையை அவர் படைத்துள்ளார். அந்த பட்டியல்:
1. ஜஸ்பிரித் பும்ரா (இந்தியா) : 9*
2. குலாம் அஹ்மடி (ஜெர்மனி) : 7
