இந்தியா மற்றும் நியூசிலாந்து அணிகளுக்கு இடையேயான டி20 போட்டி தொடர் தற்போது நடைபெற்று வருகிறது. இந்த தொடரின் முதல் போட்டியில் இந்திய அணி 6 விக்கெட் வித்தியாசத்தில் அபாரமாக வெற்றி பெற்றது. அதை தொடர்ந்து இவ்விரு அணிகளுக்கும் இடையேயான 2வது டி20 போட்டி இன்று ஆக்லாந்து மைதானத்தில் நடைபெற்றது.
இந்த போட்டியில் டாஸ் வென்ற நியூசிலாந்து அணியின் கேப்டன் வில்லியம்சன் முதலில் பேட்டிங்கை தேர்வு செய்தார். அதன்படி முதலில் விளையாடிய நியூசிலாந்து அணி 20 ஒவ்ரகள் முடிவில் 5 விக்கெட்டுகள் இழப்பிற்கு 132 ரன்களை மட்டுமே அடித்தது. அதிகபட்சமாக குப்தில் 33 ரன்களையும், சைபர்ட் 33 ரன்களையும் குவித்தனர்.
133 ரன்கள் எடுத்தால் வெற்றி என்ற இலக்குடன் களமிறங்கிய இந்திய அணி ரோகித் சர்மாவின் விக்கெட்டை இந்த ஆட்டத்திலும் முதலிலேயே இழந்தது. 8 ரன்களில் ரோஹித் சர்மா ஆட்டமிழக்க அதனை தொடர்ந்து கோலியும் 11 ரன்ளுக்கு ஆட்டமிழந்து வெளியேறினார். அதன் பின்னர் ராகுல் மற்றும் ஐயர் ஜோடி இணைந்து சிறப்பாக விளையாடியது. இந்த ஜோடி 3வது விக்கெட்டுக்கு 86 ரன்கள் பாட்னர்ஷிப்பாக குவித்தது குறிப்பிடத்தக்கது.
ஐயர் 44 ரன்களுக்கு ஆட்டம் இழந்து வெளியேற ராகுல் இறுதி வரை ஆட்டமிழக்காமல் 50 பந்துகளில் 57 ரன்கள் குவித்தார். இறுதியில் ஷிவம் துபே சிக்ஸ் அடித்து அணியை வெற்றிக்கு அழைத்து சென்றது குறிப்பிடத்தக்கது. இறுதியில் இந்திய அணி 17.3 ஓவர்களில் 3 விக்கெட்டுகளை இழந்து 135 ரன்கள் அடித்து வெற்றி பெற்றது. இதனால் இந்திய அணி 7 விக்கெட் வித்தியாசத்தில் வெற்றி பெற்று தொடரில் 2 – 0 என்ற கணக்கில் முன்னிலையில் உள்ளது.
