வெஸ்ட் இண்டீஸ் அணிக்கு எதிரான முதல் டெஸ்ட் போட்டியில் இந்திய அணி 318 ரன்கள் வித்தியாசத்தில் அபார வெற்றி பெற்றது. இந்த போட்டியில் இந்திய அணியின் வேகப்பந்து வீச்சாளரான பும்ரா ஒரு வரலாற்று சாதனை ஒன்றை படைத்துள்ளார்.
இந்த போட்டியின் இரண்டு இன்னிங்ஸிலும் சிறப்பாக பந்து வீசிய பும்ரா இரண்டு இன்னிங்சிலும் சேர்த்து ஏழு விக்கெட்டுகளை கைப்பற்றி அசத்தினார். அதிலும் குறிப்பாக இரண்டாவது இன்னிங்சில் 8 ஓவர் வீசிய பும்ரா 3 மெய்டன் ஓவர்கள் வீசி 7 ரன்கள் விட்டுக்கொடுத்து 5 விக்கெட்டுகளை வீழ்த்தியுள்ளார்.
இதன் மூலம் டெஸ்ட் கிரிக்கெட் வரலாற்றில் மிகக் குறைந்த ரன்கள் கொடுத்து 5 விக்கெட்டுகளை வீழ்த்திய இந்திய வீரர் என்ற சாதனையை அவர் படைத்துள்ளார். மேலும் சர்வதேச அளவில் குறைந்து ரன்களைக் கொடுத்து 5 விக்கெட்டுகளை வீழ்த்திய வீரர் என்ற வரிசையில் மூன்றாவது இடத்தில் உள்ளது குறிப்பிடத்தக்கது.
இதுவரை வெறும் 11 டெஸ்ட் போட்டிகளில் இந்திய அணிக்காக விளையாடியுள்ள பும்ரா 55 விக்கெட்டுகளை வீழ்த்தி அசத்தி உள்ளார் என்பதும் குறிப்பிடத்தக்கது.
